ఆత్మకూరు: ఉమ్మడి జిల్లా వరప్రదాయిని జూరాల రిజర్వాయర్కు వరద హోరెత్తుతుంది. ఎగువన కురుస్తున్న వర్షాలకు ఉవ్వెత్తున ప్రవహిస్తూ జూరాలకు చేరుకుం టుంది. బుధవారం రాత్రి వరకు 20 గేట్లు తెరుచుకోగా గురువారం ఉదయానికి 5 గేట్లు కుదించి 15 గేట్లను మాత్రమే ఉంచారు. సాయంత్రానికి వరద లక్షా 7 వేల క్యూసెక్కుల ఇన్ఫ్లో నమోదు కాగా 11 గేట్లను మాత్రమే ఎత్తి స్పిల్వే ద్వార 76,648 క్యూసెక్కుల నీటిని దిగువకు వదులుతున్నారు.
కుడి కాలువకు 672 క్యూసెక్కులు, ఎడమ కాలువకు 920, సమాంతర కాలువకు 150, నెట్టెంపాడు ఎత్తిపోతలకు 750, భీమా-2కు 750 క్యూసెక్కుల నీటిని విడుదల చేస్తున్నారు. విద్యుదుత్పత్తికి 38,349 క్యూసెక్కుల నీటిని విడు దల చేస్తుండగా రెండు విద్యుత్ కేంద్రాలలో విద్యుతుత్పత్తిని నిర్వహిస్తున్నారు.
ఎగువ జూరాల జలవిద్యుత్ కేంద్రంలో మరమ్మతుకు గురైన 5 యూనిట్ వినియోగంలోకి రాగా ఎగువ జూరాలలో 6 యూ నిట్ల ద్వారా 3.549 మి.యూ ఉత్పత్తి జరుగగా ఇప్పటి వరకు మొత్తంగా 224.161 మి.యూ ఉత్పత్తి జరిగింది. దిగు వ జూరాలలో 6 యూనిట్ల ద్వారా 4.283 మి.యూ ఉత్పత్తి జరుగగా మొత్తంగా 549.840 మి.యూ విద్యుత్ ఉత్పత్తి జరిగింది. ప్రాజక్టు పూర్తిస్థాయి సామర్థ్యం 9.657 టీఎంసీలు కాగా సాయంత్రానికి 8.571 టీఎంసీలు నమోదయ్యింది. ప్రాజక్టు నుంచి 1,17, 557 లక్షల క్యూసెక్కులు అవుట్ఫ్లో కొనసాగుతుంది