న్యూఢిల్లీ: వాయు కాలుష్యానికి, వీర్య కణాల కదలికకు మధ్య సంబంధం ఉందని చైనాలో జరిగిన తాజా అధ్యయనంలో తేలింది. వాయు కాలుష్యం పెరుగడంతో అండాన్ని చేరుకోవడానికి సరైన దిశలో ప్రయాణించే సామర్థ్యం వీర్యకణాలకు తగ్గిపోతున్నదని పరిశోధకులు వెల్లడించారు. 30 వేల మంది వీర్యంపై జరిపిన ప్రయోగం ద్వారా ఈ విషయం తేలిందని పేర్కొన్నారు. వాయు కాలుష్యాన్ని తగ్గించినట్లయితే పురుషుల్లో సంతానోత్పత్తి సామర్థ్యం పెరుగుతుందని వెల్లడించారు.