Parineeti-Raghav Chadha | ప్రీ వెడ్డింగ్ వేడుకలు‌.. క్రికెట్‌, మ్యూజికల్‌ ఛైర్‌, లెమన్‌ స్పూన్‌ ఇంకా ఎన్నో..

Parineeti-Raghav Chadha | బాలీవుడ్ న‌టి ప‌రిణీతి చోప్రా (Parineeti Chopra), ఆప్‌ ఎంపీ రాఘ‌వ్ చ‌ద్దా (Raghav Chadha) వివాహం ఇటీవలే అట్టహాసంగా జ‌రిగిన విషయం తెలిసిందే. ఈ వేడుక‌కు సంబంధించిన కొన్ని ఫోటోలు, వీడియోలను ప‌రిణీతి త‌న ఇన్‌స్టాగ్రామ్‌ అకౌంట్‌లో పోస్ట్ చేయ‌గా ప్రస్తుతం అవి నెటిజన్లను విపరీతంగా ఆకట్టుకుంటున్నాయి. కాగా, తాజాగా ప్రీ వెడ్డింగ్‌కు సంబంధించిన కొన్ని ఫొటోలను కొత్త జంట ఇన్‌స్టా వేదికగా అభిమానులతో పంచుకుంది.

October 2, 2023 / 11:47 AM IST

Parineeti-Raghav Chadha | ప్రీ వెడ్డింగ్ వేడుకలు‌.. క్రికెట్‌, మ్యూజికల్‌ ఛైర్‌, లెమన్‌ స్పూన్‌ ఇంకా ఎన్నో..

Parineeti-Raghav Chadha | బాలీవుడ్ న‌టి ప‌రిణీతి చోప్రా (Parineeti Chopra), ఆప్‌ ఎంపీ రాఘ‌వ్ చ‌ద్దా (Raghav Chadha) వివాహం ఇటీవలే అట్టహాసంగా జ‌రిగిన విషయం తెలిసిందే. రాజస్థాన్‌ ఉదయ్‌పూర్‌ (Udaipur)లోని లీలా ప్యాలెస్‌ (Leela Palace)లో పంజాబీ సంప్రదాయంలో వీరి వివాహం జరిగింది. ఈ వేడుక‌కు సంబంధించిన కొన్ని ఫోటోలు, వీడియోలను ప‌రిణీతి త‌న ఇన్‌స్టాగ్రామ్‌ అకౌంట్‌లో పోస్ట్ చేయ‌గా ప్రస్తుతం అవి నెటిజన్లను విపరీతంగా ఆకట్టుకుంటున్నాయి. కాగా, తాజాగా ప్రీ వెడ్డింగ్‌కు సంబంధించిన కొన్ని ఫొటోలను కొత్త జంట ఇన్‌స్టా వేదికగా అభిమానులతో పంచుకుంది.

ప్రీ వెడ్డింగ్‌ వేడుకలో భాగంగా చోప్రా, చద్దా కుటుంబాలు ఎంతో సరదాగా గడిపాయి. అంతా కలిసి సరదాగా కొన్ని ఆటలు ఆడుకున్నారు. క్రికెట్ (Cricket)‌, లెమన్‌ స్పూన్ (lemon & spoon)‌, మ్యూజికల్‌ ఛైర్‌, త్రీ లెగ్గుడ్‌ రేస్‌ (three-legged race) తదితర ఆటలు ఆడారు. ఇందులో ఇరు కుటుంబ సభ్యులు ఎంతో ఉత్సాహంగా పాల్గొని సందడి చేశారు. ఇందుకు సంబంధించిన ఫొటోలు ప్రస్తుతం వైరల్‌ అవుతున్నాయి.

రాఘవ్‌-పరిణీతి వివాహం ఈనెల 24వ తేదీన అంగరంగ వైభవంగా జరిగింది. బంధుమిత్రులు, స్నేహితుల సమక్ష్యంలో రాఘవ్‌ తన ప్రేయసి పరిణీతి మెడలో మూడుముళ్లు వేశారు. ఢిల్లీ ముఖ్యమంత్రి అరవింద్ కేజ్రీవాల్, పంజాబ్ ముఖ్యమంత్రి భగవంత్ మాన్‌, ఉద్ధవ్ ఠాక్రే కుమారుడు ఆదిత్య ఠాక్రే, మాజీ ఆర్థిక మంత్రి పి చిదంబరం సహా పలువురు రాజకీయ, క్రీడా, సినీ ప్రముఖులు ఈ వేడుకకు హాజరై నూతన వధూవరులను ఆశీర్వదించారు. ఇందుకు సంబంధించిన పెళ్లి ఫొటోలు, వీడియోలను కొత్త జంట సోషల్‌ మీడియా ద్వారా పంచుకుంది. ప్రస్తుతం ఈ ఫొటోలు, వీడియోలు వైరల్‌ అవుతున్నాయి.