చికెన్‌ దహీ కబాబ్‌

ఒక గిన్నెలో అల్లం వెల్లుల్లి పేస్ట్‌, నిమ్మరసం, కొద్దిగా ఉప్పు, చికెన్‌ వేసి బాగా కలిపి పావుగంటపాటు పక్కన పెట్టాలి. ఒక గిన్నెలో పెరుగు, క్రీమ్‌, చీజ్‌ తురుము, చాట్‌ మసాలా, యాలకుల పొడి, మిరియాల పొడి, తగినంత ఉప్పు, నానబెట్టిన చికెన్‌ కూడా వేసి బాగా కలపాలి

కావలసిన పదార్థాలు
చికెన్‌: అర కిలో(బోన్‌లెస్‌), అల్లం వెల్లుల్లి పేస్ట్‌: ఒక టేబుల్‌ స్పూన్‌, నిమ్మరసం: రెండు టేబుల్‌ స్పూన్లు, గడ్డ పెరుగు: అర కప్పు, ఫ్రెష్‌ క్రీమ్‌: అర కప్పు, చీజ్‌ తురుము: ముప్పావు కప్పు, చాట్‌ మసాలా: అర టీస్పూన్‌, యాలకుల పొడి: పావు టీస్పూన్‌, మిరియాల పొడి: అర టీస్పూన్‌, ఉప్పు: తగినంత.

తయారీ విధానం
ఒక గిన్నెలో అల్లం వెల్లుల్లి పేస్ట్‌, నిమ్మరసం, కొద్దిగా ఉప్పు, చికెన్‌ వేసి బాగా కలిపి పావుగంటపాటు పక్కన పెట్టాలి. ఒక గిన్నెలో పెరుగు, క్రీమ్‌, చీజ్‌ తురుము, చాట్‌ మసాలా, యాలకుల పొడి, మిరియాల పొడి, తగినంత ఉప్పు, నానబెట్టిన చికెన్‌ కూడా వేసి బాగా కలపాలి. ఈ మిశ్రమాన్ని రెండు గంటలపాటు ఫ్రిజ్‌లో పెట్టాలి. పొడవాటి కబాబ్‌ స్టిక్స్‌కు చికెన్‌ ముక్కలను గుచ్చి రెండు వైపులా తిప్పుకొంటూ గ్రిల్‌ చేసుకుంటే నోరూరించే చికెన్‌ దహీ కబాబ్‌ సిద్ధం.