Rythu Garjana Sabha | బీఆర్ఎస్ రైతు గర్జన పోస్టర్ ఆవిష్కరణ.. ఈ నెల 11న నిర్మల్‌లో కేటీఆర్ సభ

Rythu Garjana Sabha | ఈ నెల 11న నిర్మల్‌లో నిర్వహించనున్న బీఆర్ఎస్ రైతు గర్జన సభకు పార్టీ నాయకులు సన్నాహాలు ముమ్మరం చేశారు. బీఆర్ఎస్ వర్కింగ్ ప్రెసిడెంట్ కేటీఆర్ ఆధ్వర్యంలో నిర్మల్‌లోని ఎన్టీఆర్ స్టేడియంలో జరగనున్న ఈ సభకు సంబంధించిన పోస్టర్‌ను పార్టీ నాయకులు ఆవిష్కరించారు.

Rythu Garjana Sabha | ఈ నెల 11న నిర్మల్‌లో నిర్వహించనున్న బీఆర్ఎస్ రైతు గర్జన సభకు పార్టీ నాయకులు సన్నాహాలు ముమ్మరం చేశారు. బీఆర్ఎస్ వర్కింగ్ ప్రెసిడెంట్ కేటీఆర్ ఆధ్వర్యంలో నిర్మల్‌లోని ఎన్టీఆర్ స్టేడియంలో జరగనున్న ఈ సభకు సంబంధించిన పోస్టర్‌ను పార్టీ నాయకులు ఆవిష్కరించారు. అనంతరం సభా ప్రాంగణానికి చేరుకుని ఏర్పాట్లను క్షేత్రస్థాయిలో పరిశీలించారు.

రైతు గర్జన సభను విజయవంతం చేసేందుకు అవసరమైన ఏర్పాట్లు, సభా ప్రాంగణంలో చేపట్టాల్సిన సౌకర్యాలు, ఇతర నిర్వహణ అంశాలపై నాయకులు పరిశీలించారు. నిర్మల్, ముధోల్, ఖానాపూర్ నియోజకవర్గాల నుంచి నాయకులు, కార్యకర్తలు పెద్ద సంఖ్యలో పాల్గొనేలా సమన్వయం చేసుకోవాలని చర్చించారు.

ఈ కార్యక్రమంలో మాజీ మంత్రి, ఎమ్మెల్యే వేముల ప్రశాంత్ రెడ్డి, ఎమ్మెల్యే అనిల్ జాదవ్, మాజీ ఎమ్మెల్యే బాల్క సుమన్, నిర్మల్ నియోజకవర్గ ఇన్‌చార్జి రాంకిషన్ రెడ్డి పాల్గొన్నారు. అలాగే ముధోల్ నియోజకవర్గ సమన్వయకర్తలు లోలం శ్యాంసుందర్, రమాదేవి, కిరణ్ కోమ్రేవార్, విలాస్ గాదేవర్, నిర్మల్ నియోజకవర్గ నాయకుడు నల్ల వినయ్ రెడ్డితో పాటు మూడు నియోజకవర్గాలకు చెందిన ముఖ్య నాయకులు, కార్యకర్తలు హాజరయ్యారు.