MLA Kaushik Reddy | 2 ల‌క్ష‌ల ఉద్యోగాల‌కు జాబ్ క్యాలెండ‌ర్‌ను ప్ర‌క‌టించాలి.. ఎమ్మెల్యే కౌశిక్ రెడ్డి డిమాండ్

MLA Kaushik Reddy | కాంగ్రెస్ పార్టీ ఎన్నిక‌ల మేనిఫెస్టోలో చెప్పిన విధంగా 2 ల‌క్ష‌ల ఉద్యోగాల‌కు జాబ్ క్యాలెండ‌ర్‌ను ప్ర‌క‌టించాల‌ని బీఆర్ఎస్ ఎమ్మెల్యే పాడి కౌశిక్ రెడ్డి డిమాండ్ చేశారు. కేసీఆర్ స‌ర్కార్ ఒక్క ప్ర‌భుత్వ ఉద్యోగం ఇవ్వ‌లేద‌ని రేవంత్ రెడ్డి, కోదండ‌రాం అబ‌ద్దాలు ప్ర‌చారం చేస్తున్నార‌ని మండిప‌డ్డారు.

MLA Kaushik Reddy | హైద‌రాబాద్ : కాంగ్రెస్ పార్టీ ఎన్నిక‌ల మేనిఫెస్టోలో చెప్పిన విధంగా 2 ల‌క్ష‌ల ఉద్యోగాల‌కు జాబ్ క్యాలెండ‌ర్‌ను ప్ర‌క‌టించాల‌ని బీఆర్ఎస్ ఎమ్మెల్యే పాడి కౌశిక్ రెడ్డి డిమాండ్ చేశారు. తెలంగాణ భ‌వ‌న్‌లో కౌశిక్ రెడ్డి మీడియాతో మాట్లాడారు.

కేసీఆర్ స‌ర్కార్ ఒక్క ప్ర‌భుత్వ ఉద్యోగం ఇవ్వ‌లేద‌ని రేవంత్ రెడ్డి, కోదండ‌రాం అబ‌ద్దాలు ప్ర‌చారం చేస్తున్నార‌ని మండిప‌డ్డారు. కేసీఆర్ హ‌యాంలో ల‌క్షా 60 వేల 63 ఉద్యోగాలు భ‌ర్తీ చేసిన‌ట్లు తెలిపారు. కేసీఆర్ ప్ర‌భుత్వం ఏయే శాఖ‌ల్లో ఎన్ని ఉద్యోగాలు భ‌ర్తీ చేశారో ఇప్ప‌టికే ప‌లుమార్లు చెప్పామ‌ని గుర్తు చేశారు. 42 వేల ఉద్యోగాల భ‌ర్తీకి నోటిఫికేష‌న్లు విడుద‌ల చేయ‌గా, వివిధ ద‌శ‌ల్లో భ‌ర్తీ ప్ర‌క్రియ ఉంద‌న్నారు. ఆ ఉద్యోగాల భ‌ర్తీకి చ‌ర్య‌లు తీసుకోవాల‌ని కౌశిక్ రెడ్డి డిమాండ్ చేశారు. బీఆర్ఎస్ ప్ర‌భుత్వ హ‌యాంలో ఐటీతో పాటు ఇత‌ర రంగాల్లో ల‌క్ష‌లాది ఉద్యోగాలు క‌ల్పించామ‌న్నారు. ఇప్ప‌టికైనా కాంగ్రెస్ నేత‌లు వాస్త‌వాలను గ్ర‌హించాల‌ని ఎమ్మెల్యే కౌశిక్ రెడ్డి సూచించారు.