టీజీఈఆర్సీకి 21 మందితో సలహా కమిటీ

తెలంగాణ విద్యుత్‌ నియంత్రణ మండలి (టీజీఈఆర్సీ)కి సలహాలు, సూచనల కమిటీ ఏర్పాటు చేశారు.

హైదరాబాద్‌, అక్టోబర్‌ 17 (నమస్తే తెలంగాణ): సెంటర్‌ ఫర్‌ పవర్‌ స్టడీస్‌ కన్వీనర్‌, సీనియర్‌ జర్నలిస్ట్‌ ఎం వేణుగోపాలరావు, అగ్రో ఎకనామిక్‌ అండ్‌ రీసెర్చ్‌ సెంటర్‌ కన్వీనర్‌ డాక్టర్‌ పీవీ సుబ్బారెడ్డి సభ్యులుగా నియమితులయ్యారు. మొత్తం 21 మందితో కమిటీని ఏర్పాటు చేశారు.

నాణ్యమైన విద్యుత్‌ సరఫరా, నిరంతర విద్యుత్‌, సంస్థల పనితీరు, లైసెన్స్‌ నిబంధనల పర్యవేక్షణ, వినియోగదారుల ప్రయోజనాల పరిరక్షణపై ఈ కమిటీ టీజీఈఆర్సీకి సలహాలు, సూచనలు అందించనున్నది.