Amazon layoffs | అమెజాన్‌లో ఆగ‌ని లేఆఫ్స్ : ఏడ‌బ్ల్యూఎస్‌, హెచ్ఆర్ ఉద్యోగులే టార్గెట్‌

ఈ-కామ‌ర్స్ దిగ్గ‌జం అమెజాన్‌లో (Amazon layoffs) మాస్ లేఆఫ్స్ ఉద్యోగుల‌ను వ‌ణికిస్తున్నాయి. రెండో ద‌శ లేఆఫ్స్‌ను గ‌త నెల‌లో ప్ర‌క‌టించిన అమెజాన్ ఈ దిశ‌గా ప‌లు విభాగాల‌కు చెందిన 9000 మంది ఉద్యోగుల‌ను తొల‌గించ‌నుంది.

న్యూయార్క్ : ఈ-కామ‌ర్స్ దిగ్గ‌జం అమెజాన్‌లో (Amazon layoffs) మాస్ లేఆఫ్స్ ఉద్యోగుల‌ను వ‌ణికిస్తున్నాయి. రెండో ద‌శ లేఆఫ్స్‌ను గ‌త నెల‌లో ప్ర‌క‌టించిన అమెజాన్ ఈ దిశ‌గా ప‌లు విభాగాల‌కు చెందిన 9000 మంది ఉద్యోగుల‌ను తొల‌గించ‌నుంది. తాజా లేఆఫ్స్‌లో అమెజాన్ వెబ్ స‌ర్వీసెస్ (ఏడ‌బ్ల్యూఎస్‌), హెచ్ఆర్ ఉద్యోగుల‌పై వేటు వేయ‌నుంది.

అమెరికా, కెన‌డా, కోస్టారికా స‌హా ప్ర‌పంచ‌వ్యాప్తంగా ఏడ‌బ్ల్యూఎస్ ఉద్యోగుల‌పై తాజా లేఆఫ్స్ ప్ర‌భావం చూప‌నున్నాయి. ఈరోజు మ‌న సంస్ధ‌లో సంక్లిష్ట‌మైన రోజ‌ని లేఆఫ్స్ గురించి ఉద్యోగుల‌కు పంపిన మెమోలో ఏడ‌బ్ల్యూఎస్ సీఈవో ఆడం సెలిస్కీ, హెచ్ఆర్ హెడ్ బెత్ గ‌లెట్టి పేర్కొన్నారు. లేఆఫ్స్‌తో ప్ర‌భావిత‌మైన ఉద్యోగులంద‌రికీ నోటిఫికేష‌న్ మెసేజ్‌లు పంపామ‌ని సీఈవో ఆడం సెలిస్కీ తెలిపారు. హెల్త్ ఇన్సూరెన్స్ బెనిఫిట్స్‌, జాబ్ ప్లేస్‌మెంట్ స‌పోర్ట్‌తో పాటు లేఆఫ్స్‌తో కొలువులు కోల్పోయిన ఉద్యోగులంద‌రికీ ప‌రిహార ప్యాకేజ్ వ‌ర్తింప‌చేస్తామ‌ని మెమోలో స్ప‌ష్టం చేశారు.

గ‌త ఏడాది నవంబ‌ర్‌లో 18,000 మంది ఉద్యోగుల‌ను తొల‌గించ‌నున్న‌ట్టు అమెజాన్ ప్ర‌క‌టించిన అనంత‌రం మార్చిలో సీఈవో అండీ జ‌స్సీ 9000 మంది ఉద్యోగుల‌పై వేటు వేయ‌నున్న‌ట్టు వెల్ల‌డించారు. ఈ ప్ర‌క్రియ‌లో భాగంగా ఏప్రిల్ 18న అడ్వ‌ర్టైజింగ్ యూనిట్‌కు చెందిన ప‌లువురు ఉద్యోగుల‌ను అమెజాన్ సాగ‌నంపింది. ఆర్ధిక మాంద్యం భ‌యాలు వెంటాడ‌టంతో అమెజాన్ ప‌లు ప్రాజెక్టుల‌ను నిలిపివేయడం, హైరింగ్‌ను కుదించ‌డంతో పాటు వ్య‌య నియంత్ర‌ణ చ‌ర్య‌ల‌కు పాల్ప‌డుతోంది.

Read More

Toys park | దండు మల్కాపూర్‌లో టాయ్స్‌ పార్క్‌.. 100 కోట్ల పెట్టుబడులు, 2,000 ఉద్యోగాలు