ఐఆర్సీ వేదికపై ఏసీబీ నిందితుడు
అవినీతిరహిత వ్యవస్థను నిర్మించాలని, నాణ్యత విషయంలో రాజీపడే అధికారులపై కఠిన చర్యలు తీసుకుంటామని కేంద్ర మంత్రి నితిన్గడరీ హెచ్చరికలు జారీచేసిన వేదికపైనే ఓ ఏసీబీ కేసు నిందితుడు ప్రత్యక్షం కావడం కలకలం రేపింది.
- అక్రమాస్తుల కేసులో అరెస్టయిన మోహన్నాయక్ ప్రత్యక్షం
- మళ్లీ పోస్టింగ్ ఇచ్చారా? మాజీ చైర్మన్ హోదాలో వచ్చా రా?
- అసహనం వ్యక్తంచేస్తున్న ఇంజినీర్లు
హైదరాబాద్, నవంబర్ 20 (నమస్తే తెలంగాణ): అవినీతిరహిత వ్యవస్థను నిర్మించాలని, నాణ్యత విషయంలో రాజీపడే అధికారులపై కఠిన చర్యలు తీసుకుంటామని కేంద్ర మంత్రి నితిన్గడరీ హెచ్చరికలు జారీచేసిన వేదికపైనే ఓ ఏసీబీ కేసు నిందితుడు ప్రత్యక్షం కావడం కలకలం రేపింది. గురువా రం హైటెక్స్ వేదికగా నిర్వహించిన ఇండియ న్ రోడ్ కాంగ్రెస్ (ఐఆర్సీ) జాతీయ సదస్సు ఇందుకు వేదికైంది. ఈ సదస్సుకు నితిన్గడరీతోపాటు సీఎం రేవంత్రెడ్డి, రాష్ట్ర మంత్రు లు, దేశవిదేశాలకు చెందిన 3,500 మంది నిపుణులు హాజరయ్యారు. ఇంతటి ప్రతిష్ఠాత్మక వేదిక మీద అవినీతి కేసులో విచారణ ఎదుర్కొంటున్న ఆర్అండ్బీ మాజీ ఈఎన్సీ మోహన్నాయక్ దర్జాగా కనిపించడం అందరినీ విస్మయానికి గురిచేసింది.
గతంలో ఐఆర్సీ చైర్మన్గా, రాష్ట్ర ఆర్అండ్బీ ఇంజినీర్ ఇన్ చీఫ్గా, తెలంగాణ రోడ్డు డెవలప్మెంట్ కార్పొరేషన్ ఎండీగా మోహన్నాయక్ పనిచేశారు. 2026 జూన్లో ఆయన నివాసంతోపాటు బంధువుల ఇండ్లపై ఏసీబీ అధికారులు ఏకకాలంలో దాడులు నిర్వహించారు. ఈ సోదాల్లో సుమారు రూ.200 కోట్ల విలువైన అక్రమాస్తులు (అధికారిక లెకల ప్రకారం సుమారు రూ.17 కోట్లు) ఉన్నట్టు గుర్తించి మోహన్నాయక్ను అరెస్ట్ చేశారు. ఆయన మరదలు పద్మిని ప్రధాన బినామీగా ఉన్నట్టు ఏసీబీ దర్యాప్తులో తేలింది.
అక్రమాస్తుల కేసులో అరెస్టయి జైలుకు వెళ్లడంతో 2026 జూన్లో ప్రభుత్వం మోహన్నాయక్ను విధుల నుంచి సస్పెండ్ చేసింది. ఐదు నెలల వ్యవధిలోనే ఆయన ప్రతిష్ఠాత్మక జాతీయ సదస్సు వేదికపై కనిపించడంతో అసలు ఏం జరిగిందనే ప్రశ్నలు తలెత్తుతున్నాయి. సస్పెన్షన్ కాలం ముగిసిందా? లేక నిబంధనలను పకనపెట్టి మళ్లీ పోస్టింగ్ ఇచ్చారా? లేక ఐఆర్సీ మాజీ చైర్మన్ హోదాలో ఆహ్వానితుడిగా హాజరయ్యారా? అనే అంశంపై ప్రభుత్వం నుంచి ఎలాంటి అధికారిక స్పష్టత రాలేదు. ఈ వ్యవహారంపై కాంగ్రెస్ ప్రభుత్వ తీరును తప్పుబడుతూ అధికార, రాజకీయ వర్గాల్లో రకరకాల ప్రచారాలు సాగుతున్నాయి.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

