Student suicides | ఐదేండ్లలో 45 మంది ఐఐటీ విద్యార్థుల ఆత్మహత్య.. అందులో 28 మంది బడుగు వర్గాల వారే

2020-21 నుంచి 2024-25 మధ్య కాలంలో దేశంలోని 23 ఐఐటీల్లో 45 మంది విద్యార్థులు ఆత్మహత్య చేసుకొన్నారని కేంద్రం తెలిపింది. ఇందులో 28 మంది ఎస్సీ, ఎస్టీ, ఓబీసీ కులాలకు చెందిన వారు. అందులో ఓబీసీలు 12 మంది, ఎస్సీలు 9 మంది, ఎస్టీలు ఏడుగురు ఉన్నారు.

• అందులో 28 మంది బడుగు వర్గాల వారే

న్యూఢిల్లీ : 2020-21 నుంచి 2024-25 మధ్య కాలంలో దేశంలోని 23 ఐఐటీల్లో 45 మంది విద్యార్థులు ఆత్మహత్య చేసుకొన్నారని కేంద్రం తెలిపింది. ఇందులో 28 మంది ఎస్సీ, ఎస్టీ, ఓబీసీ కులాలకు చెందిన వారు. అందులో ఓబీసీలు 12 మంది, ఎస్సీలు 9 మంది, ఎస్టీలు ఏడుగురు ఉన్నారు. 16 మంది జనరల్‌ క్యాటగిరీకి చెందిన వారు కాగా, ఒకరు ఆర్థికంగా బలహీన వర్గానికి చెందినవారు.

2023-24 నుంచి ఐఐటీల్లో ఆత్మహత్యలు వేగంగా పెరిగాయి. ఐఐటీ-హైదరాబాద్‌లో అత్యధికంగా ఈ ఐదేండ్లలో ఏడుగురు బలవన్మరణానికి పాల్పడ్డారు. ఐఐటీల్లో ఈ అయిదేండ్ల కాలంలో ఎనిమిది అసహజ మరణాలు కూడా నమోదయ్యాయి.