నన్ను కిడ్నాప్‌ చేశారు: ధ్రువ్‌ రాఠీ

ప్రముఖ యూట్యూబర్‌ ధ్రువ్‌ రాఠీ ఢిల్లీ పోలీసుల నిర్బంధం నుంచి విడుదలైన తర్వాత తొలిసారి స్పందించారు. తనను కేవలం అదుపులోకి తీసుకోలేదని, నిద్రపోతున్న సమయంలో ఇంట్లోకి సుమారు 20 మంది సాధారణ దుస్తుల్లో ప్రవేశించి, తనను తీసుకెళ్లారని తెలిపారు. ఆదివారం తెల్లవారుజామున విడుదలైన అనంతరం వీడియో సందేశం ద్వారా ఈ వివరాలను వెల్లడించారు.

న్యూఢిల్లీ: ప్రముఖ యూట్యూబర్‌ ధ్రువ్‌ రాఠీ ఢిల్లీ పోలీసుల నిర్బంధం నుంచి విడుదలైన తర్వాత తొలిసారి స్పందించారు. తనను కేవలం అదుపులోకి తీసుకోలేదని, నిద్రపోతున్న సమయంలో ఇంట్లోకి సుమారు 20 మంది సాధారణ దుస్తుల్లో ప్రవేశించి, తనను తీసుకెళ్లారని తెలిపారు. ఆదివారం తెల్లవారుజామున విడుదలైన అనంతరం వీడియో సందేశం ద్వారా ఈ వివరాలను వెల్లడించారు.

ఈనెల 10న గురుగ్రామ్‌లోని తమ నివాసం నుండి ఢిల్లీ పోలీసులు తనను తీసుకెళ్లారని, వారిని ఎవరని అడిగే అవకాశం కూడా ఇవ్వలేదని ఆరోపించారు. తన పౌరసత్వంపై సోషల్‌ మీడియాలో వస్తున్న వార్తలపై స్పందిస్తూ, తన భారతీయ పాస్‌పోర్టు చూపించారు. తనను వివిధ పోలీస్‌ స్టేషన్లకు తీసుకెళ్లారని, 23 గంటల పాటు ఫోన్‌ ఉపయోగించడానికి, తన న్యాయవాదిని సంప్రదించేందుకు కూడా అనుమతించలేదని ఆరోపించారు.