Yogi decision : కొవిడ్‌ ప్రోటోకాల్‌ కేసులు ఉపసంహరణ.. యోగి సర్కార్‌ నిర్ణయం

Yogi decision : ఉత్తరప్రదేశ్‌ రాష్ట్రంలో కరోనా ప్రోటోకాల్ ఉల్లంఘనులపై నమోదైన 3 లక్షల కేసులను ఉపసంహరించుకోనున్నారు. ఈ మేరకు యోగి ఆదిత్యనాథ్‌...

October 26, 2021 / 09:28 PM IST

Yogi decision : కొవిడ్‌ ప్రోటోకాల్‌ కేసులు ఉపసంహరణ.. యోగి సర్కార్‌ నిర్ణయం

లక్నో : (Yogi decision) ఉత్తరప్రదేశ్‌ రాష్ట్రంలో కరోనా ప్రోటోకాల్ ఉల్లంఘనులపై నమోదైన 3 లక్షల కేసులను ఉపసంహరించుకోనున్నారు. ఈ మేరకు యోగి ఆదిత్యనాథ్‌ ప్రభుత్వం ఈ నిర్ణయం తీసుకున్నది. కరోనా మహమ్మారిని ఎదుర్కొనేందుకు లాక్‌డౌన్‌ అమలు సమయంలో ప్రోటోకాల్‌ను కచ్చితంగా పాటించాలని కఠిన ఆంక్షలు విధించారు. ఈ నిబంధనలను ఉల్లంఘించిన వారిపై కేసులు కూడా నమోదయ్యాయి. అయితే, అప్పడు నమోదైన కేసుల ఉపసంహరణ ప్రక్రియ ఇప్పుడు ప్రారంభం కానున్నది. న్యాయ శాఖ జారీ చేసిన ఆదేశంలో ప్రజలపై తక్కువ తీవ్రమైన నేరాల సెక్షన్ల కింద నమోదైన కేసులను కోర్టులో చార్జిషీట్ దాఖలు చేసిన వాటిని ఉపసంహరించుకుంటామని స్పష్టం చేసింది. ఇలాఉండగా, సిట్టింగ్, మాజీ ఎంపీలు, ఎమ్మెల్యేలు, శాసనమండలి సభ్యులపై కేసులు అలాగే కొనసాగుతాయని స్పష్టం చేసింది.

కొవిడ్ ప్రోటోకాల్, లాక్‌డౌన్‌ నిబంధనలను ఉల్లంఘించినందుకు వ్యాపారులపై నమోదు చేసిన కేసులను ఉపసంహరించుకుంటామని ఉత్తరప్రదేశ్ ప్రభుత్వం గతంలోనే ప్రకటించింది. ఇప్పుడు సామాన్య ప్రజలందరికి ఉపయోగపడేలా ఈ నిర్ణయం తీసుకున్నారు. ఈ మేరకు మంగళవారం ప్రభుత్వం ఆదేశాలు జారీ చేసింది. ప్రస్తుత, మాజీ ప్రజాప్రతినిధులు మినహా చార్జిషీట్లు దాఖలైన కేసులన్నింటినీ ఉపసంహరించుకోనున్నట్లు ఆదేశాల్లో పేర్కొన్నారు.