– ఢిల్లీ ఐఐటీ స్టార్టప్ రూపకల్పన
న్యూఢిల్లీ, ఫిబ్రవరి 25: ప్రపంచంలోనే అతిచిన్నదైన, ముక్కుకు తగిలించుకొనేందుకు వీలయ్యే వాయుశుద్ధి సాధనాన్ని ఢిల్లీ ఐఐటీకి చెందిన నానోక్లీన్ గ్లోబల్ అనే స్టార్టప్ తయారు చేసింది. నాసో-95 అని దానికి పేరుపెట్టారు. ఎన్-95 మాస్క్ కన్నా ఎక్కువ ప్రభావం కలిగి ఉంటుందని దీని రూపకర్తలు అంటున్నారు. దీనిని ముక్కుకు తగిలించుకుంటే బ్యాక్టీరియా, వైరస్లు, పుప్పొడి రేణువులు, వాయుకాలుష్యం ఏదీ లోపలికి ప్రవేశించదని తెలిపారు. నాసో-95 నాలుగు సైజుల్లో లభిస్తుంది. పిల్లలు కూడా దీనిని సురక్షితంగా వినియోగించవచ్చని నానోక్లీన్ గ్లోబల్ సంస్థ ఒక ప్రకటనలో తెలిపింది. వైరస్ల కంటే ఎక్కువగా మనుషులకు ముప్పు తెస్తున్న వాయుకాలుష్యాన్ని దూరం పెట్టేందుకు సరికొత్త బుల్లి ముక్కుమాస్కులు ఎంతగానో ఉపయోగపడతాయని నిపుణులు పేర్కొన్నారు.