Nitish Kumar Photo On Woman Voter Card | మహిళా ఓటర్‌ కార్డుపై సీఎం నితీశ్‌ కుమార్ ఫొటో.. వెల్లువెత్తిన విమర్శలు

Nitish Kumar Photo On Woman Voter Card | ఒక మహిళా ఓటరు కార్డుపై బీహార్‌ సీఎం నితీశ్‌ కుమార్‌ ఫొటో ఉన్నది. ఇది చూసి ఆ మహిళ, ఆమె భర్త షాక్ అయ్యారు. ప్రభుత్వం, సంబంధిత అధికారులపై వారు మండిపడ్డారు.

పాట్నా: ఒక మహిళా ఓటరు కార్డుపై బీహార్‌ సీఎం నితీశ్‌ కుమార్‌ ఫొటో ఉన్నది. (Nitish Kumar Photo On Woman Voter Card) ఇది చూసి ఆ మహిళ, ఆమె భర్త షాక్ అయ్యారు. ప్రభుత్వం, సంబంధిత అధికారులపై వారు మండిపడ్డారు. ఓటరు కార్డుల్లో తప్పులపై విమర్శలు వెల్లువెత్తాయి. బీహార్‌లో తర్వలో అసెంబ్లీ ఎన్నికలు జరుగనున్నాయి. ఈ నేపథ్యంలో మాధేపుర మున్సిపాలిటీకి చెందిన 30 ఏళ్ల అభిలాష కుమారి తన ఓటరు కార్డులో చిరునామా మార్పించుకున్నది. దీంతో పోస్ట్‌ ద్వారా కొత్త ఓటరు కార్డు ఆమెకు చేరింది.

కాగా, కొత్త ఓటరు కార్డు చూసి అభిలాష కుమారి షాక్‌ అయ్యింది. అందులో ఆమె పేరు, చిరునామా సరిగానే ఉన్నాయి. అయితే ఆమె ఫొటో బదులు సీఎం నితీశ్‌ కుమార్‌ ఫొటో ఉన్నది. దీంతో కంగారుపడిన అభిలాష కుమారి తన భర్తతో కలిసి బూత్ స్థాయి అధికారిని కలిసింది. ఆ ఓటరు కార్డులో సీఎం నితీశ్‌ ఫొటో గమనించిన ఆయన ఈ విషయాన్ని ఎవరికీ చెప్పవద్దని కోరాడు. ఈ పొరపాటుపై దర్యాప్తు జరుపుతామని చెప్పాడు.

మరోవైపు తన భార్య ఓటరు కార్డులో సీఎం నితీశ్‌ కుమార్‌ ఫొటో ఉండటంపై అభిలాష కుమారి భర్త చందన్‌ కుమార్‌ మండిపడ్డాడు. ప్రభుత్వం, సంబంధిత సిబ్బంది నిర్లక్ష్యంపై ఆగ్రహం వ్యక్తం చేశాడు. వారిపై చర్యలు తీసుకోవాలని డిమాండ్‌ చేశాడు. మరికొన్ని ఓటరు కార్డుల్లో కూడా ఇలాంటి చాలా తప్పులు కనిపించాయి. దీంతో సీఎం నితీశ్‌ కుమార్ ప్రభుత్వాన్ని ప్రతిపక్షాలు విమర్శించాయి.

Also Read:

Fake Poll Officials | ఫొటో కోసం మెడలోని గొలుసు తీయమని చెప్పి.. చోరీ చేసిన నకిలీ ఎన్నికల సిబ్బంది

Watch: తృణమూల్‌ నేత, బీజేపీ నాయకురాలు కలిసి.. కారులో మద్యం తాగిన వీడియో వైరల్‌

Students Murder School Principal | హెయిర్‌కట్‌ చేసుకోమన్నందుకు.. స్కూల్ ప్రిన్సిపాల్‌ను హత్య చేసిన విద్యార్థులు