Hunger Strike: నీటిని రిలీజ్ చేసే వ‌ర‌కు నిరాహార దీక్ష విర‌మించ: మంత్రి ఆతిష్‌

Hunger Strike: త‌మ రాష్ట్రానికి ద‌క్కాల్సిన నీటి వాటాను హ‌ర్యానా రిలీజ్ చేసే వ‌ర‌కు నిరాహార దీక్ష‌ను విరమించేది లేద‌ని ఢిల్లీ మంత్రి ఆతిష్ తెలిపారు. 4 రోజుల నుంచి ఆమె దీక్ష చేస్తున్నారు. బీపీ, షుగ‌ర్ లెవ‌ల్స్ త‌గ్గుతున్న‌ట్లు ఆమె ఆరోపించారు.

న్యూఢిల్లీ: ఢిల్లీకి చెందిన నీటి వాటాను హ‌ర్యానా రిలీజ్ చేసే వ‌ర‌కు ఆమ‌ర‌ణ నిర‌వ‌ధిక దీక్ష‌(Hunger Strike)ను విర‌మించేది లేద‌ని ఆ రాష్ట్ర నీటిపారుద‌ల శాఖ‌ మంత్రి ఆతిష్ తెలిపారు. గ‌త నాలుగు రోజుల నుంచి ఆమె దీక్ష చేస్తున్న విష‌యం తెలిసిందే. బీపీ, షుగ‌ర్ లెవ‌ల్స్ త‌గ్గుతున్నాయ‌ని, బ‌రువు కూడా త‌గ్గింనద‌ని, కీటోన్ లెవ‌ల్ చాలా ఎక్కువ‌గా ఉంద‌ని, దీని వ‌ల్ల దీర్ఘ‌కాలంలో హానిక‌ర‌మైన ఎఫెక్ట్స్ ఉంటాయ‌ని ఆమె అన్నారు. త‌న శ‌రీరం ఎంత కృశించినా .. హ‌ర్యానా నీటిని విడుద‌ల చేసే వ‌ర‌కు నిరాహార దీక్ష‌ను ఆపేది లేద‌ని ఆమె స్ప‌ష్టం చేశారు. ఢిల్లీకి నీటిని వ‌దిలే హ‌త్నీకుండ్ బ్యారేజీ గేట్ల‌ను హ‌ర్యానా మూసివేసిన‌ట్లు ఆమె ఆరోపించారు. య‌మునా న‌దిపై బ్యారేజీ గేట్ల‌ను మూసివేయ‌డం వ‌ల్ల‌.. ఢిల్లీకి నీటి కొర‌త ఏర్ప‌డిన‌ట్లు ఆమె చెప్పారు. త‌మ‌కే కావాల్సినంత నీరు లేన‌ప్పుడు ఎలా ఢిల్లీకి నీటిని రిలీజ్ చేస్తామ‌ని హ‌ర్యానా స‌ర్కారు ప్ర‌శ్నించింది.