Bomb threat | ఢిల్లీలో కలకలం.. తాజ్‌ ప్యాలెస్‌ హోటల్‌కు బాంబు బెదిరింపు

Bomb threat | బాంబు బెదిరింపు (Bomb threat) మెయిల్స్‌ గత రెండు రోజులుగా కలకలం రేపుతున్నాయి. శుక్రవారం ఉదయం ఢిల్లీ హైకోర్టు (Delhi high court) కు గుర్తు తెలియని వ్యక్తులు బాంబు బెదిరింపు మెయిల్‌ చేశారు.

Bomb threat : బాంబు బెదిరింపు (Bomb threat) మెయిల్స్‌ గత రెండు రోజులుగా కలకలం రేపుతున్నాయి. శుక్రవారం ఉదయం ఢిల్లీ హైకోర్టు (Delhi high court) కు గుర్తు తెలియని వ్యక్తులు బాంబు బెదిరింపు మెయిల్‌ చేశారు. ఆ ఘటనను మరువక ముందే మధ్యాహ్నం బాంబే హైకోర్టు (Bombay high court) కు కూడా అదే తరహా మెయిల్‌ వచ్చింది. బాంబులతో కోర్టును పేల్చేస్తామని పేర్కొన్నారు.

కానీ పై రెండు ఘటనల్లో కూడా అవి ఆకతాయిలు చేసిన బెదిరింపు మెయిల్‌లు అని పోలీసుల విచారణలో తేలింది. భద్రతా సిబ్బంది బాంబ్‌ స్క్వాడ్స్‌తో తనిఖీలు నిర్వహించగా ఎలాంటి బాంబులు లభ్యం కాలేదు. ఇవాళ ఢిల్లీలోని తాజ్‌ ప్యాలెస్‌ హోటల్‌కు కూడా బాంబు బెదిరింపు మెయిల్ వచ్చింది. సమాచారం అందుకున్న పోలీసులు ఘటనా ప్రాంతానికి చేరుకుని తనిఖీలు చేయగా ఎలాంటి బాంబు దొరకలేదు. దాంతో అది కూడా ఆకతాయి మెయిలేనని ఢిల్లీ పోలీసులు నిర్ధారించారు.

#WATCH | Taj Palace Hotel in Delhi received a bomb threat mail. Nothing was found; it has been declared a hoax: Delhi Police pic.twitter.com/OPDEZVnDlH

— ANI (@ANI) September 13, 2025