Watch | ఇంటిముందు కూర్చున్న వృద్ధుడిపై పడిన కంకర ట్రక్కు.. వృద్ధుడు మృతి.. Video

Watch | మృత్యువు ఎప్పుడు ఏ రూపంలో ముంచుకొస్తుందో చెప్పడం కష్టం అంటుంటారు. తాజాగా మధ్యప్రదేశ్‌ (Madhyapradesh) లోని గ్వాలియర్‌ (Gwalior) లో ఓ వృద్ధుడికి మృత్యువు ఊహించని రీతిలో ముంచుకొచ్చింది.

Watch : మృత్యువు ఎప్పుడు ఏ రూపంలో ముంచుకొస్తుందో చెప్పడం కష్టం అంటుంటారు. తాజాగా మధ్యప్రదేశ్‌ (Madhyapradesh) లోని గ్వాలియర్‌ (Gwalior) లో ఓ వృద్ధుడికి మృత్యువు ఊహించని రీతిలో ముంచుకొచ్చింది. వృద్ధుడు తన ఇంటి ముందు కూర్చుని ఉండగా.. ఆ వీధిలోకి కంకరలోడుతో వచ్చిన ట్రక్కు అతనిపై పడింది. దాంతో అతను అక్కడికక్కడే ప్రాణాలు కోల్పోయాడు.

ఘటనకు సంబంధించిన వీడియో సోషల్‌ మీడియాలో వైరల్‌గా మారడంతో ఈ విషయం తాజాగా వెలుగులోకి వచ్చింది. పోలీసుల కథనం ప్రకారం.. మధ్యప్రదేశ్‌లోని గ్వాలియర్‌లో 90 ఏళ్ల వృద్ధుడు గిరిరాజ్‌ శర్మ తన మనవడు సతీష్‌తో కలిసి నివసిస్తున్నాడు. శుక్రవారం ఉదయం ఎండపొడ కోసం వృద్ధుడు ఇంటి బయట ఉన్న అరుగుపైన కూర్చున్నాడు. సరిగ్గా అప్పుడే అటుగా వెళ్తున్న ఓ కంకర ట్రక్కు అదుపుతప్పి ఒక్కసారిగా అతడిపై బోల్తా పడింది.

దాంతో గిరిరాజ్‌ శర్మ అక్కడికక్కడే ప్రాణాలు కోల్పోయాడు. కొన్ని రోజుల క్రితం ఆ ప్రాంతంలో నీటి పైపులైను వేయడంవల్ల గుంతలు పడ్డాయి. వాటిలో ట్రక్కు టైరు దిగబడడంతో వాహనం బ్యాలెన్స్ కోల్పోయి బోల్తా పడిందని పోలీసులు తెలిపారు. మృతదేహాన్ని పోస్టుమార్టానికి తరలించినట్లు చెప్పారు. ప్రమాదం అనంతరం ట్రక్కు డ్రైవర్‌ పారిపోయాడని, కేసు నమోదు చేసుకుని అతడి కోసం గాలిస్తున్నామని అన్నారు.

𝑵𝒐 𝒐𝒏𝒆 𝒌𝒏𝒐𝒘𝒔 𝒘𝒉𝒆𝒏 𝒅𝒆𝒂𝒕𝒉 𝒘𝒊𝒍𝒍 𝒂𝒓𝒓𝒊𝒗𝒆…

In Gwalior, Madhya Pradesh, 90-year-old Girraj Sharma was simply sitting outside his home, quietly soaking in the winter sun. In a cruel twist of fate, a gravel-laden dumper lost control after a tyre burst and… pic.twitter.com/uAdXECIaxM

— Oxomiya Jiyori 🇮🇳 (@SouleFacts) December 21, 2025