న్యూఢిల్లీ : వారం ఆరంభం అంటే సోమవారం ఉదయం చాలా మంది ఆఫీసులకు వెళ్లేందుకు బద్దకిస్తుంటారు. ఏదో సాకు చెప్పి ఆఫీసులకు డుమ్మా కొట్టే వారూ (Viral video) ఉంటారు. అలాంటి వారిలో స్ఫూర్తి నింపి ఉత్తేజం కలిగించే ఓ మోటివేషనల్ వీడియో నెట్టింట చక్కర్లు కొడుతోంది. ఈ వీడియోలో తల్లి ఆఫీసుకు వెళ్లనని చెబుతుంటే వెళ్లక తప్పదని రెండేండ్ల చిన్నారి ఆమెకు నచ్చచెప్పడం నెటిజన్లను విశేషంగా ఆకట్టుకుంటోంది.
లిటిల్ యువనీష్ భరద్వాజ్ ఈ వీడియోను ఇన్స్టాగ్రాంలో షేర్ చేయగా ఇప్పటివరకూ 70 లక్షల మంది పైగా వీక్షంచారు. ఈ వీడియోలో తల్లి ఈరోజు ఆఫీసుకు తాను వెళ్లడం లేదని చెప్పగా ఆఫీసుకు వెళ్లాల్సిందే అని నచ్చచెప్పడం కనిపిస్తుంది.
ఈ వీడియోపై నెటిజన్లు పెద్దసంఖ్యలో రియాక్టయ్యారు. జీవితంలో నాకు ఇలాంటి ఎమోషనల్ సపోర్ట్ అవసరం అని ఓ యూజర్ కామెంట్ చేయగా తల్లిని ఆఫీసుకు వెళ్లేలా ఆ బాబు ఎంత బాగా ప్రిపేర చేశాడో అని మరికొందరు యూజర్లు కామెంట్స్ సెక్షన్లో రాసుకొచ్చారు.
Read More