Massive avalanche | జమ్ముకశ్మీర్‌లో భారీ హిమపాతం.. ఒళ్లు గగుర్పొడిచే దృశ్యం.. Video viral

Massive avalanche | జమ్ముకశ్మీర్‌ (Jammu and Kashmir) లోని సోన్‌మార్గ్‌ (Sonmarg) లో భారీ హిమపాతం (Avalanche) సంభవించింది. ఈ హిమపాతానికి సంబంధించిన దృశ్యాలు సోషల్‌మీడియాలో వైరల్‌ అవుతున్నాయి.

Massive avalanche : ఇవాళ జమ్ముకశ్మీర్‌ (Jammu and Kashmir) లోని సోన్‌మార్గ్‌ (Sonmarg) లో భారీ హిమపాతం (Avalanche) సంభవించింది. ఈ హిమపాతానికి సంబంధించిన దృశ్యాలు సోషల్‌మీడియాలో వైరల్‌ అవుతున్నాయి. భారీ ఎత్తున మంచు ఎగిసి దూసుకొస్తున్న దృశ్యాలు ఒళ్లు గగుర్పొడిచేలా ఉన్నాయి. హిమపాతం సందర్భంగా అక్కడే ఉన్న పలువురు పరుగులు తీసిన దృశ్యాలు వీడియోలో కనిపిస్తున్నాయి. కింది వీడియోలో ఆ దృశ్యాలను చూడవచ్చు.

🇮🇳📹 A massive avalanche strikes the Indian village of Sarbal in Jammu and Kashmir. 🥶🥶#Avalanche #India #JammuAndKashmir #Disaster #weather #Kashmir #Jammu #Sarbal #BreakingNews #incredible #Indian #Pakistan pic.twitter.com/bKymfbzrsS

— Ali Shunnaq (@schunnaq) March 5, 2025

అయితే ఈ ఘటనలో ఎలాంటి ప్రాణ నష్టం జరగలేదని అధికారులు తెలిపారు. ఇటీవల ఉత్తరాఖండ్‌లోని చమోలీ జిల్లా మనా గ్రామం వద్ద కూడా భారీ హిమపాతం సంభవించింది. దాంతో అక్కడ పనిచేస్తున్న కార్మికుల్లో 55 మంది మంచు కింద చిక్కుకుపోయారు. వారిలో 47 మందిని రెస్క్యూ టీమ్స్‌ రక్షించాయి. మిగతా ఎనిమిది మంది ప్రాణాలు కోల్పోయారు.

హిమపాతం అంటే ఏమిటి..?

ప్రతి ఏడాది శీతాకాలంలో హిమాలయ పర్వత ప్రాంతాల్లో మంచు చరియలు విరిగిపడుతుంటాయి. ఈ చరియలు 5 సెకన్‌ల కాలంలోనే గంటకు 80 మైళ్ల వేగంతో కిందకు జారుతాయి. ఈ సందర్భంగా సుమారు 2.3 లక్షల ఘనపు మీటర్ల మంచు జారిపడుతుంది. అంటే 20 ఫుట్‌బాల్‌ గ్రౌండ్లను మూడు మీటర్ల మందంతో కప్పేంత మంచు అన్నమాట. దీనినే అవలాంచ్‌ అని అంటారు.