Bengaluru | పుట్టిన రోజు ఒక్కటే.. ఇప్పుడు మరణించిన రోజు కూడా..

ఉత్తరాఖండ్‌లోని హిమాల య పర్వతాల్లోని సహస్త్రతల్‌ సరస్సు వద్దకు ట్రెక్కింగ్‌కు వెళ్లి మరణించిన కర్ణాటకకు చెందిన భార్యాభర్తలకు సంబంధించిన విషయం అందరినీ కలచివేస్తున్నది.

• ట్రెక్కింగ్‌లో మృతి చెందిన దంపతుల విషాదం

Bengaluru | బెంగళూరు: ఉత్తరాఖండ్‌లోని హిమాల య పర్వతాల్లోని సహస్త్రతల్‌ సరస్సు వద్దకు ట్రెక్కింగ్‌కు వెళ్లి మరణించిన కర్ణాటకకు చెందిన భార్యాభర్తలకు సంబంధించిన విషయం అందరినీ కలచివేస్తున్నది. ట్రెక్కింగ్‌కు వెళ్లిన బృందంలో ప్రతికూల వాతావరణంలో చిక్కుకుని 9 మంది మృతి చెందిన విషయం తెలిసిందే. వీరిలో కర్ణాటక హుబ్బళికి చెందిన భార్యాభర్తలు వినాయక్‌ ముంగురవాడీ, సుజాత ముంగురవాడీ కూడా ఉన్నారు. వీరిద్దరూ 1994లో హుబ్బళిలోని బీవీబీ కాలేజీలో ఇంజనీరింగ్‌ చదివారు.

ఇద్దరి పుట్టిన రోజు ఒక్కటే. ఇప్పుడు మరణించిన రోజు కూడా ఒక్కటే కావడం విషాదం. 1996 నుంచి వీరు బెంగళూరులో ఉంటున్నారు. ప్రైవేట్‌ కంపెనీలో పనిచేసే వినాయక్‌ స్నేహలోక అనే స్వచ్ఛంద సంస్థ ద్వారా గత 16 ఏండ్లుగా సేవలు అందిస్తున్నారు. ముఖ్యంగా కరోనా సమయంలో అనేకమందికి సహాయం చేశారు. ప్రతి ఏడాది వినాయక్‌ ట్రెక్కింగ్‌కు వెళ్తుంటారు. ఈ ఏడాది భార్యతో వెళ్లారు. కానీ అక్కడ వాతావరణం అనుకూలించకపోడంతో మం చులో కూరుకుపోయి ఇద్దరూ మరణించారు.