కేంద్ర మంత్రి బాబుల్ సుప్రియోకు రెండోసారి క‌రోనా

కోల్‌క‌తా: కేంద్ర మంత్రి బాబుల్ సుప్రియోకు రెండోసారి క‌రోనా సోకింది. తన‌తోపాటు త‌న భార్య‌కు క‌రోనా పాజిటివ్‌గా నిర్ధార‌ణ అయ్యింద‌ని ఆదివారం ఆయ‌న తెలిపారు. త‌న‌కు రెండోసారి క‌రోనా సోకింద‌ని అన్నారు. ఈ నేప‌థ్యంలో సోమ‌వారం అసన్‌సోల్‌లో ఓటు వేయ‌డం లేద‌ని చెప్పారు. అయితే మాన‌సికంగా బీజేపీ అభ్య‌ర్థుల‌తోనే ఉంటాన‌ని, ఇంటి నుంచే ఓటింగ్ తీరును ప‌రిశీలిస్తాన‌ని వెల్ల‌డించారు.

Both me & my wife have tested positive😩Me for the 2nd time!!
V Sad that I won't be able to vote in Asansol. I needed to be there on the road too for the 26th Polls where 'desperate' @AITCofficial Goons hv already unleashed their terror machinery to disrupt free & fair polls 1/2

— Babul Supriyo (@SuPriyoBabul) April 25, 2021

కాగా, బాబుల్ సుప్రియో అస‌న్‌సోల్ నుంచి రెండు సార్లు ఎంపీగా గెలిచారు. బెంగాల్ అసెంబ్లీ ఎన్నిక‌ల్లో భాగంగా తాజాగా టోలీగంజ్ నియోజ‌క‌వ‌ర్గం నుంచి ఆయ‌న పోటీ చేశారు. ఆ రాష్ట్రంలోని మ‌రో 36 అసెంబ్లీ నియోజ‌క‌వ‌ర్గాల‌కు సోమ‌వారం ఏడో ద‌శ పోలింగ్ జ‌రుగ‌నున్న‌ది.