డిప్యూటీ సీఎంగా ఉదయనిధి స్టాలిన్‌?

తమిళనాడు ముఖ్యమంత్రి స్టాలిన్‌ కుమారుడు, మంత్రి ఉదయనిధి స్టాలిన్‌ను ఉపముఖ్యమంత్రిగా నియమిస్తారని జోరుగా ప్రచారం సాగుతున్నది.

చెన్నై: తమిళనాడు ముఖ్యమంత్రి స్టాలిన్‌ కుమారుడు, మంత్రి ఉదయనిధి స్టాలిన్‌ను ఉపముఖ్యమంత్రిగా నియమిస్తారని జోరుగా ప్రచారం సాగుతున్నది. సీఎం స్టాలిన్‌ వచ్చే నెలలో విదేశీ పర్యటనకు వెళ్లనున్నారు.

ఆ లోగానే స్టాలిన్‌ స్థానంలో ఉదయనిధి విధులు నిర్వహించడానికి రంగం సిద్ధం చేస్తున్నారని పార్టీ వర్గాలు తెలిపాయి. ఈ నెల 21న జరిగే యూత్‌వింగ్‌ సమావేశంలో ఈ నిర్ణయం ప్రకటిస్తారని భావిస్తున్నారు. అయితే తనను డిప్యూటీ సీఎంను చేస్తారన్న వార్తలను ఉదయనిధి కొట్టివేశారు.