Tiger Chasing Man | పులితోనే ఆట‌లా!.. వెన్నులో వ‌ణుకు పుట్టిస్తున్న వైర‌ల్ వీడియో

Tiger Chasing Man : పెంపుడు జంతువుల(Pet Animals)తో ఆడుకోవ‌డం, వాటితో వీడియోలు చేయ‌డం చాలామందికి స‌ర‌దా. అలాంటి వీడియోల‌కు ఆన్‌లైన్‌లో మ‌స్త్ వ్యూస్ వ‌చ్చిప‌డ‌తాయి. అయితే.. కొంద‌రు మాత్రం బ‌డాయికి పోయి పులులు, సింహాల‌తో వీడియోలు...

Tiger Chasing Man : పెంపుడు జంతువుల(Pet Animals)తో ఆడుకోవ‌డం, వాటితో వీడియోలు చేయ‌డం చాలామందికి స‌ర‌దా. అలాంటి వీడియోల‌కు ఆన్‌లైన్‌లో మ‌స్త్ వ్యూస్ వ‌చ్చిప‌డ‌తాయి. అందుక‌ని కొంద‌రు తాము పెంచుకొనే కుక్క‌లు(Dogs), పిల్లులు(Cats), ప‌క్షుల‌తో ఫ‌న్నీ వీడియోలు పోస్ట్ చేస్తుంటారు. అయితే.. కొంద‌రు మాత్రం బ‌డాయికి పోయి పులులు, సింహాల‌తో వీడియోలు చేస్తుంటారు. ఈ క్ర‌మంలో కొన్నిసార్లు ప్ర‌మాదాల బారిన ప‌డుతుంటారు కూడా. తాజాగా ఇంట‌ర్నెట్‌లో వైర‌ల్ అవుతున్న పులి వీడియో కూడా అలాంటిందే.

ఒక పెద్ద బంగ్లాలో ఒక పులి ఒక వ్య‌క్తిని వెంటాడుతుంది. ఆ ప‌క్క‌నే మ‌రో వ్య‌క్తి వీడియో తీస్తున్నాడు. మొద‌ట్లో ఆ వ్య‌క్తి న‌వ్వుతూ క‌నిపించినా ఆ త‌ర్వాత భ‌య‌ప‌డ్డాడు. ప‌రుగెత్తే క్ర‌మంలో అదుపుత‌ప్పి కింద ప‌డిపోయాడు. అయినా స‌రే ఆ పులి అత‌డిని వ‌ద‌ల‌లేదు. అయితే.. అది ఒక పెంపుడు పులి కావ‌డంతో అత‌డు బ‌తికి బ‌ట్ట‌క‌ట్టాడు. వెన్నులో వ‌ణుకుపుట్టించే ఈ వీడియోను ఎవ‌రో ‘బిలియ‌నీర్స్ లైఫ్ స్ట‌యిల్’ అనే ఇన్‌స్టాగ్రామ్ పేజీలో పెట్టారు.

 

View this post on Instagram

 

A post shared by Billionaire Life Style (@billionaire_life.styles)

ఈ వైర‌ల్ వీడియో దుబాయ్‌లో తీసిన‌ట్టు తెలుస్తోంది. అక్క‌డ‌ పులులు, సింహాల‌ను పెంపుడు జంతువులుగా పెంచుకోవ‌డాన్ని స్టేట‌స్ సింబ‌ల్‌గా భావిస్తారు. అంతేకాదు అప్పుడ‌ప్పుడు త‌మ పెట్ టైగ‌ర్స్, ల‌య‌న్స్‌తో వీధుల్లో తిరుగుతుంటారు కూడా. వీడియో చూసిన వాళ్లంతా.. పులిని దూరంగా చూడాల‌నుకో త‌ప్పులేదు. కానీ పులితోనే ఫొటో దిగాల‌నుకున్నావో వేటాడేస్త‌ది అని య‌మ‌దొంగ సినిమాలోని జూనియ‌ర్ ఎన్టీఆర్‌ డైలాగ్‌ను గుర్తు చేసుకుంటున్నారు.

ఇవి కూడా చ‌ద‌వండి

• Fighter Trailer | హృతిక్ రోషన్ స్పిరిట్‌ ఆఫ్‌ ఫైటర్ ట్రైలర్‌ వచ్చేసింది..
• Makarajyothi | నేడు మకరజ్యోతి దర్శనం.. శబరి గిరులకు భారీగా భక్తులు