Visit:
Blast in house : ఇంట్లో ఒక్కసారిగా భారీ పేలుడు సంభవించింది. ఆ పేలుడు ధాటికి ఇల్లు ద్వంసమైంది. ఇంట్లోని ముగ్గురు సజీవ దహనమయ్యారు. మరో ఏడుగురు తీవ్రంగా గాయపడ్డారు. హర్యానా రాష్ట్రం సోనెపట్ జిల్లా ఖార్ఖోడా తాలూకాలోని రిదౌ గ్రామంలో ఈ ఘటన చోటుచేసుకుంది. ఘటనపై పోలీసులు కేసు నమోదు చేసి దర్యాప్తు చేపట్టారు.
ఇంట్లో పేలుడు సంభవించినట్లుగా తమకు సమాచారం వచ్చిందని, వెంటనే అగ్నిమాపక సిబ్బంది, పోలీసులు ఘటనా ప్రాంతానికి చేరుకుని మంటలను ఆర్పేశారని సోనెపట్ ఏసీపీ జీత్‌ సింగ్‌ చెప్పారు. పేలుడు సంభవించిన ఇంట్లో పటాకుల తయారీకి ఉపయోగించే పేలుడు పదార్థాలను గుర్తించినట్లు తెలిపారు.
ఫోరెన్సిక్‌ సైన్స్‌ ల్యాబోరేటరీకి చెందిన బృందం పేలుడు పదార్థాలను స్వాధీనం చేసుకుందని ఏసీపీ చెప్పారు. ఆ ఇంటి నుంచి మూడు మృతదేహాలను బయటికి తీసుకొచ్చినట్లు తెలిపారు. ఘటనలో తీవ్రంగా గాయపడిన ఏడుగురిని ఆస్పత్రికి తరలించామని, వారికి చికిత్స కొనసాగుతున్నదని వెల్లడించారు.
#WATCH | Sonipat, Haryana: 3 killed and 7 injured in an explosion in a house in Ridhau village of Kharkhoda
Sonipat ACP Jeet Singh says, “Information was regarding a blast in a house and we have found material used in firecrackers from the spot.Some people said a cylinder… pic.twitter.com/j6olCoJNCc
— ANI (@ANI) September 28, 2024
