సీఈసీ, ఈసీలకు ‘సంపూర్ణ రక్షణ’ రాజ్యాంగ విరుద్ధం!

ప్రధాన ఎన్నికల కమిషనర్‌(సీఈసీ), ఇద్దరు ఎన్నికల కమిషనర్లకు కల్పించిన సంపూర్ణ రక్షణను సవాలు చేస్తూ దాఖలైన ప్రజా ప్రయోజన వ్యాజ్యం(పిల్‌)పై సుప్రీంకోర్టు బుధవారం కేంద్రం, ఎన్నికల సంఘానికి నోటీసు జారీ చేసింది.

• పిల్‌పై సుప్రీంకోర్టు నోటీసులు జారీ

న్యూఢిల్లీ, నవంబర్‌ 4: ప్రధాన ఎన్నికల కమిషనర్‌(సీఈసీ), ఇద్దరు ఎన్నికల కమిషనర్లకు కల్పించిన సంపూర్ణ రక్షణను సవాలు చేస్తూ దాఖలైన ప్రజా ప్రయోజన వ్యాజ్యం(పిల్‌)పై సుప్రీంకోర్టు బుధవారం కేంద్రం, ఎన్నికల సంఘానికి నోటీసు జారీ చేసింది. చట్టంలోని సెక్షన్‌ 16 రాజ్యాంగబద్ధతను సవాలు చేస్తూ దాఖలైన పిటిషన్‌పై స్పందనలను కోరింది. 2023లో పార్లమెంట్‌ ఆమోదించిన చట్టం సీఈసీ, ఇతర ఎన్నికల కమిషనర్లకు వారి పదవీకాలంలో అధికారిక హోదాలో తీసుకున్న చర్యల విషయంలో చట్టపరమైన రక్షణను కల్పిస్తుంది.

కాక్రోచ్‌ జనతా పార్టీ(సీజేపీ) ఇటీవలి నిరసనల సందర్భంగా ఈ నిబంధన తీవ్ర వివాదాస్పద అంశంగా మారింది. నిజానికి, చట్టం అమల్లో ఉన్నంత కాలం, పదవిలో ఉన్నప్పుడు చేసిన ఏవైనా ప్రకటనలు, చర్యలు లేదా నిర్ణయాలకు సంబంధించి సీఈసీ, ఎన్నికల కమిషనర్లను చట్టపరమైన విచారణల నుంచి చట్టంలోని సెక్షన్‌ 16 రక్షిస్తుంది.