Drone Delivery | త్వరలో డ్రోన్‌ డెలివరీ.. స్పైస్‌జెట్ కీలక ప్రకటన

Drone Delivery | త్వరలోనే డ్రోన్ డెలివరీ సేవలను అందుబాటులోకి తీసుకొస్తామని ప్రముఖ విమానయాన సంస్థ స్పైస్‌జెట్‌ వెల్లడించింది. దూరప్రాంతాలకు వ్యాక్సిన్లు, ప్రాణం నిలబెట్టే ఔషధాలు, అత్యవసర వస్తువుల డెలివరీ

త్వరలోనే డ్రోన్ డెలివరీ సేవలను అందుబాటులోకి తీసుకొస్తామని ప్రముఖ విమానయాన సంస్థ స్పైస్‌జెట్‌ వెల్లడించింది. దూరప్రాంతాలకు వ్యాక్సిన్లు, ప్రాణం నిలబెట్టే ఔషధాలు, అత్యవసర వస్తువుల డెలివరీ కోసం వీటిని ఉపయోగిస్తామని ఈ సంస్థ తెలిపింది. వివిధ పేలోడ్స్‌ భరించే రకరకాల డ్రోన్స్‌ను దీనికోసం ఉపయోగిస్తామని వెల్లడించింది.

వీటిలో 0-5 కేజీలు, 5-10 కేజీలు, 10-25 కేజీలు ఇలా వివిధ పేలోడ్స్‌కు వేరు వేరు డ్రోన్స్ వాడతారట. సంస్థ లాజిస్టిక్స్ విభాగం స్పైస్ఎక్స్‌ప్రెస్‌ ఈ డ్రోన్స్ అందుబాటులోకి తీసుకొస్తుందని కంపెనీకి చెందిన ఉన్నతాధికారులు తెలిపారు.

కాగా, బియాండ్ విజువల్ లైన్ ఆఫ్ సైట్‌ (బీవీఎల్‌వోఎస్‌) డ్రోన్ ఆపరేషన్‌లు నిర్వహించడం కోసం డీజీసీఏ షార్ట్ లిస్ట్ చేసిన కంపెనీల్లో స్పైస్‌జెట్‌ కూడా ఒకటి.