స్టెమ్‌ సెల్స్‌ నుంచి వీర్యం

ఎలుకల మూల కణాల (స్టెమ్‌ సెల్స్‌) నుంచి శాస్త్రవేత్తలు వీర్యాన్ని తయారు చేశారు. ఈ వీర్యం ద్వారా ఎలుకల్లో పునరుత్పత్తిని సాధ్యం చేశారు. యూనివర్సిటీ ఆఫ్‌ టోక్యో శాస్త్రవేత్తలు ఈ ప్రయోగాన్ని నిర్వహించారు. పురుషుల్లో కూడా ఇది సాధ్యం అవుతుందని భావిస్తున్నారు

న్యూఢిల్లీ, ఏప్రిల్‌ 9: ఎలుకల మూల కణాల (స్టెమ్‌ సెల్స్‌) నుంచి శాస్త్రవేత్తలు వీర్యాన్ని తయారు చేశారు. ఈ వీర్యం ద్వారా ఎలుకల్లో పునరుత్పత్తిని సాధ్యం చేశారు. యూనివర్సిటీ ఆఫ్‌ టోక్యో శాస్త్రవేత్తలు ఈ ప్రయోగాన్ని నిర్వహించారు. పురుషుల్లో కూడా ఇది సాధ్యం అవుతుందని భావిస్తున్నారు. సంతాన లేమితో బాధపడుతున్న పురుషుల మూల కణాల నుంచి వీర్యాన్ని తయారు చేసి ఐవీఎఫ్‌ పద్ధతిలో స్త్రీలలో ప్రవేశపెడితే పిల్లలు పుట్టే అవకాశం ఉంటుందని శాస్త్రవేత్తలు పేర్కొన్నారు. ఇది జరిగితే సంతాన లేమితో బాధపడుతున్న ఎన్నో జంటల సమస్య పరిష్కారం అవుతుంది. ప్రపంచవ్యాప్తంగా ప్రతీ ఏడింట ఒక జంట సంతాన సమస్యలతో బాధపడుతున్నది.