Petrol Prices | మోదీ హయాంలో పెట్రో ధరల పెంపు : సిద్ధరామయ్య

Petrol Prices : రాష్ట్రంలో పెట్రోల్‌, డీజిల్ ధరలు పెరిగాయని బీజేపీ, జేడీఎస్‌ గగ్గోలు పెడుతున్నాయని, రాష్ట్ర ప్రభుత్వానికి వ్యతిరేకంగా వారు నిరసన చేపట్టారని కర్నాటక సీఎం సిద్ధరామయ్య పేర్కొన్నారు.

Petrol Prices : రాష్ట్రంలో పెట్రోల్‌, డీజిల్ ధరలు పెరిగాయని బీజేపీ, జేడీఎస్‌ గగ్గోలు పెడుతున్నాయని, రాష్ట్ర ప్రభుత్వానికి వ్యతిరేకంగా వారు నిరసన చేపట్టారని కర్నాటక సీఎం సిద్ధరామయ్య పేర్కొన్నారు. వారు రాష్ట్ర ప్రభుత్వానికి వ్యతిరేకంగా నిరసన చేపట్టడం తగదని, పెట్రో భారాలు మోపిన కేంద్ర ప్రభుత్వానికి వ్యతిరేకంగా ఆందోళన నిర్వహించాలని హితవు పలికారు.

నరేంద్ర మోదీ ప్రధాని కాగానే పెట్రోల్‌ ధరలను లీటర్‌కు రూ. 72 నుంచి రూ. 104కు పెంచారని, డీజిల్‌ ధరలను రూ. 58 నుంచి రూ. 92కు పెంచారని పేర్కొన్నారు. అంతర్జాతీయ మార్కెట్‌లో ముడి చమురు ధరలు తగ్గినప్పుడు కూడా మోదీ ప్రభుత్వం పెట్రో ధరలను పెంచి ప్రజలపై భారాలు మోపిందని దుయ్యబట్టారు.

పెట్రోల్‌, డీజిల్‌పై రాష్ట్రంలో వ్యాట్‌ను పెంచినా ఇప్పటికీ ఇతర రాష్ట్రాలతో పోలిస్తే కర్నాటకలో పెట్రోల్‌, డీజిల్‌ ధరలు అందుబాటులోనే ఉన్నాయన్నారు. మధ్యప్రదేశ్‌, మహారాష్ట్ర వంటి రాష్ట్రాలతో పోలిస్తే కర్నాటకలో పెట్రో ఉత్పత్తుల ధరలు ఇప్పటికీ తక్కువగానే ఉన్నాయని సీఎం సిద్ధరామయ్య పేర్కొన్నారు.

Read More :

Bakrid | బక్రీద్ : కొచ్చి మసీదులో ప్రత్యేక ప్రార్థనలు చేసిన మెగాస్టార్‌ మ‌మ్ముట్టి