watch: దేవుడిగా చెప్పుకునే పాస్టర్‌.. ఒక వ్యక్తితోపాటు మహిళపై దాడి, వీడియో వైరల్‌

Bajinder Singh | తనను దేవుడిగా చెప్పుకునే పాస్టర్‌ తన సిబ్బందిపై దాడి చేశాడు. ఒక వ్యక్తితోపాటు మహిళపై పలు వస్తువులు విసిరేశాడు. వారి చెంపలపై కొట్టాడు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది.

చండీగఢ్‌: తనను దేవుడిగా చెప్పుకునే పాస్టర్‌ తన సిబ్బందిపై దాడి చేశాడు. ఒక వ్యక్తితోపాటు మహిళపై పలు వస్తువులు విసిరేశాడు. వారి చెంపలపై కొట్టాడు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. పంజాబ్‌లోని జలంధర్‌లో ఈ సంఘటన జరిగింది. తనను తాను దైవంగా చెప్పుకునే పాస్టర్ బజిందర్ సింగ్‌ (Bajinder Singh) ‘ది చర్చ్ ఆఫ్ గ్లోరీ అండ్ విజ్డమ్’కు నేతృత్వం వహిస్తున్నాడు. తనను తాను ‘ప్రవక్త బజిందర్’గా పిలుచుకునేవాడు.

కాగా, గత నెలలో బజిందర్ సింగ్‌ తన కార్యాలయంలో రెచ్చిపోయాడు. అక్కడున్న సిబ్బందిపై ఆగ్రహం వ్యక్తం చేశాడు. తొలుత ఒక వ్యక్తిపై పలు వస్తువులు విసిరేశాడు. ఆ తర్వాత అతడి వద్దకు వెళ్లి చెంపపై కొట్టాడు.

మరోవైపు ఒక బాబుతో ఉన్న మహిళను బజిందర్ సింగ్‌ హెచ్చరించాడు. ఆమెతో దురుసుగా మాట్లాడాడు. ఆ మహిళ బదులు చెప్పడంతో టేబుల్‌పై ఉన్న వస్తువులు విసిరేశాడు. ప్రతిఘటించిన ఆమె చెంపపై పలుసార్లు కొట్టాడు. ఇంతలో అక్కడున్న వ్యక్తులు జోక్యం చేసుకున్నారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. అయితే ఇప్పటికే ఒక మహిళ ఫిర్యాదుతో బజిందర్ సింగ్‌పై లైంగిక వేధింపుల కేసు కూడా నమోదైంది.

CCTV footage of self-styled Christian prophet Baljinder Singh’s office has gone viral, showing him beating his employees, including women. The footage is reportedly from February 2025. Notably, just a few days earlier, the Kapurthala Police had registered an FIR against him under… pic.twitter.com/x2JXF84JAt

— Gagandeep Singh (@Gagan4344) March 23, 2025