క్రెడిట్‌ కార్డు చెల్లింపులు ఆలస్యమైనా చార్జీల్లేవ్‌

క్రెడిట్‌ కార్డుదారులకు రిజర్వ్‌ బ్యాంక్‌ ఆఫ్‌ ఇండియా (ఆర్బీఐ) గొప్ప ఊరటనిచ్చింది. చెల్లింపులు ఆలస్యమైనా చార్జీలు పడకుండా కొత్త నిబంధనల్ని తెచ్చింది. సవరించిన రూల్స్‌ ప్రకారం.. గడువు తేదీ 2-3 రోజులు దాటినా ఓవర్‌డ్యూగా పరిగణించబడదు.

• యూజర్లకు ఆర్బీఐ ఊరట

న్యూఢిల్లీ, అక్టోబర్‌ 21: క్రెడిట్‌ కార్డుదారులకు రిజర్వ్‌ బ్యాంక్‌ ఆఫ్‌ ఇండియా (ఆర్బీఐ) గొప్ప ఊరటనిచ్చింది. చెల్లింపులు ఆలస్యమైనా చార్జీలు పడకుండా కొత్త నిబంధనల్ని తెచ్చింది. సవరించిన రూల్స్‌ ప్రకారం.. గడువు తేదీ 2-3 రోజులు దాటినా ఓవర్‌డ్యూగా పరిగణించబడదు.

• చెల్లింపు గడువు తేదీ దాటి 3 రోజులైనా చెల్లింపులు జరుపకపోతేనే లేట్‌ పేమెంట్‌ చార్జీలు వేయాలని, సిబిల్‌ తదితర క్రెడిట్‌ బ్యూరోలకు సదరు ఖాతాను గడువు దాటినదిగా నివేదించాలని బ్యాంకర్లకు ఆర్బీఐ స్పష్టం చేసింది.
• ఆలస్యపు చెల్లింపు ఫీజును మొత్తం బిల్లుపై కాకుండా గడువు తేదీ మించిన తర్వాత మిగిలిన మొత్తాలపై లెక్కించి మాత్రమే విధించాలని పేర్కొన్నది.
• ఫీజుల్లో ఏవైనా తేడాలు చేయాలనుకుంటే కస్టమర్లకు కనీసం 30 రోజుల ముందే తెలియజేయాలి.
• కార్డును మూసివేయాలన్న విజ్ఞప్తులను 7 రోజుల్లోగా పరిష్కరించాలి. లేకపోతే రోజుకు రూ.500 చొప్పున కస్టమర్‌కు పరిహారం చెల్లించాల్సి ఉంటుంది.
• కస్టమర్‌ ఫిర్యాదును బ్యాంకులు 30-60 రోజుల్లోగా పరిష్కరించాలి. లేనిపక్షంలో కస్టమర్లకు ఆర్బీఐ అంబుడ్స్‌మన్‌ను సంప్రదించవచ్చు.
• వచ్చే ఏప్రిల్‌ 1 నుంచి అమల్లోకి.