త్వరలో 2,500 సాధారణ కోచ్‌లు

కొత్త బడ్జెట్‌లో రైల్వే శాఖకు అధిక నిధులు కేటాయించారని రైల్వే శాఖ మంత్రి అశ్విని వైష్ణవ్‌ సంతోషం వ్యక్తం చేశారు. బడ్జెట్‌ అనంతరం నిర్వహించిన మీడియా సమావేశంలో ఆయన మాట్లాడుతూ.. తక్షణమే 2,500 సాధారణ కోచ్‌లను(నాన్‌ ఏసీ) నిర్మించి, వాటిని త్వరలో ప్రవేశపెట్టనున్నట్టు పేర్కొన్నారు.

• రైల్వే మంత్రి అశ్విని వైష్ణవ్‌ వెల్లడి

న్యూఢిల్లీ, జూలై 24: కొత్త బడ్జెట్‌లో రైల్వే శాఖకు అధిక నిధులు కేటాయించారని రైల్వే శాఖ మంత్రి అశ్విని వైష్ణవ్‌ సంతోషం వ్యక్తం చేశారు. బడ్జెట్‌ అనంతరం నిర్వహించిన మీడియా సమావేశంలో ఆయన మాట్లాడుతూ.. తక్షణమే 2,500 సాధారణ కోచ్‌లను(నాన్‌ ఏసీ) నిర్మించి, వాటిని త్వరలో ప్రవేశపెట్టనున్నట్టు పేర్కొన్నారు.

రానున్న మూడేండ్లలో మరో 10 వేల కోచ్‌లను తీసుకొచ్చే ప్రణాళిక ఉన్నదని తెలిపారు. మధ్యతరగతి, అల్పాదాయ కుటుంబాలకు సరసమైన, సురక్షితమైన రైల్వే ప్రయాణాన్ని అందించడమే తమ లక్ష్యమని చెప్పారు. రైల్వే శాఖకు 2014కు ముందు రూ.35 వేల కోట్లుగా ఉన్న బడ్జెట్‌ కేటాయింపులు.. ఈ ఆర్థిక సంవత్సరంలో రూ.2.62 లక్షల కోట్లకు పెరిగినట్టు తెలిపారు.