Bajinder Singh | అత్యాచారం కేసు.. పాస్టర్‌ బాజీందర్ సింగ్‌కు జీవితఖైదు

Bajinder Singh | అత్యాచారం కేసులో సెల్ఫ్‌ స్టైల్డ్‌ క్రిస్టియన్‌ పాస్టర్‌ (Self-styled Christian paster) బాజిందర్‌ సింగ్‌ (Bajinder Singh)కు పంజాబ్‌ కోర్టు (Punjab court) శిక్ష ఖరారు చేసింది.

Bajinder Singh | అత్యాచారం కేసులో సెల్ఫ్‌ స్టైల్డ్‌ క్రిస్టియన్‌ పాస్టర్‌ (Self-styled Christian paster) బాజిందర్‌ సింగ్‌ (Bajinder Singh)కు పంజాబ్‌ కోర్టు (Punjab court) శిక్ష ఖరారు చేసింది. ఆయనకు జీవిత ఖైదు (life sentence) విధిస్తూ ఇవాళ సంచలన తీర్పు వెలువరించింది.

‘యేసు యేసు ప్రాఫెట్‌ (Yeshu Yeshu prophet)’ గా సింగ్‌ పాపులర్‌ అయ్యాడు. బాజిందర్‌ సింగ్‌ తనపై అత్యాచారానికి పాల్పడినట్లు 2018లో పంజాబ్‌లోని జిరాక్‌పూర్‌ (Zirakpur) కు చెందిన ఓ మహిళ ఆరోపించింది. విదేశాలకు తీసుకెళ్తానని మాయమాటలు చెప్పి బాజిందర్‌ తనను శారీరకంగా వాడుకున్నాడని పోలీసులకు ఫిర్యాదు చేసింది.

దాంతో పోలీసులు ఆయనపై కేసు నమోదు చేసి అదుపులోకి తీసుకున్నారు. ఆయనతోపాటు మొత్తం ఏడుగురిపై ఈ కేసులో అభియోగాలు నమోదయ్యాయి. ఈ కేసు విచారణ జరిపిన ట్రయల్‌ కోర్టు బాజిందర్‌ సింగ్‌ను నాలుగు రోజుల క్రితం దోషిగా తేల్చింది. కేసులో అభియోగాలు మోస్తున్న మిగతా ఆరుగురిని నిర్దోషులుగా ప్రకటించింది. ఈ నేపథ్యంలో ఇవాళ అతడికి శిక్ష ఖరారు చేసింది. బాజీందర్‌ సింగ్‌కు జీవితఖైదు విధిస్తూ తీర్పు వెలువరించింది.

కాగా బాజిందర్‌ సింగ్‌ తరచూ వివాదాల్లో ఉంటుంటాడు. ఇటీవల ఆయన తన కార్యాలయంలో ఓ మహిళపైన, మరో వ్యక్తిపైన దాడికి పాల్పడిన దృశ్యాలు సోషల్‌ మీడియాలో వైరల్ అయ్యాయి. వారిని చెంపలపై కొట్టడం, చేతికి ఏది దొరికితే అది విసరడం లాంటి దృశ్యాలు ఆ వీడియోలో ఉన్నాయి. 2022లో ఓ 22 మహిళ సింగ్‌ తనను లైంగికంగా వేధించాడని ఆరోపించింది. 2022లోనే అనారోగ్యంతో ఉన్న ఓ మహిళను బాగుచేస్తానని చెప్పి ఆమె కుటుంబం నుంచి భారీగా డబ్బులు వసూలు చేశాడు. కానీ ఆమె మరణించింది.

Also Read..

Yogi Adityanath | మా పాఠశాలల్లో విద్యార్థులకు తమిళం, తెలుగు భాషలను బోధిస్తున్నాం : యూపీ సీఎం

Vande Bharat Train | కశ్మీర్‌ లోయలో పరుగులు పెట్టనున్న తొలి వందేభారత్‌ రైలు.. ఈనెలలోనే ప్రారంభించనున్న మోదీ

Sunita Williams: హిమాల‌యాలు అద్భుతం: సునీతా విలియ‌మ్స్‌