Veeramani Case: వీర‌మ‌ణి పోక్సో కేసులో ద‌ర్యాప్తు ముమ్మ‌రం.. స్పెష‌ల్ సిట్ ముందుకు ముగ్గురు మైన‌ర్లు

Veeramani Case: జెమ్ గ్రానైట్స్ ఓన‌ర్ ఆర్ వీర‌మ‌ణి పోక్సో కేసు(Veeramani Case)లో సిట్ బృందం ద‌ర్యాప్తు చేప‌డుతున్న‌ది. అయితే మ‌హిళా ఐపీఎస్ ఆఫీస‌ర్ల‌తో ఏర్పాటు చేసిన సిట్ ముందు కొత్త‌గా మ‌రో ముగ్గురు అమ్మాయిలు ఫిర్యాదు చేశారు. దీంతో జెమ్ గ్రానైట్స్‌పై న‌మోదు అయిన ఫిర్యాదుల సంఖ్య 15కు చేరింది.

చెన్నై: జెమ్ గ్రానైట్స్ ఓన‌ర్ ఆర్ వీర‌మ‌ణి లైంగిక దాడి ఆరోప‌ణ‌ల కేసు(Veeramani Case)లో సిట్ బృందం ద‌ర్యాప్తు చేప‌డుతున్న‌ది. అయితే మ‌హిళా ఐపీఎస్ ఆఫీస‌ర్ల‌తో ఏర్పాటు చేసిన సిట్ ముందు కొత్త‌గా మ‌రో ముగ్గురు అమ్మాయిలు ఫిర్యాదు చేశారు. దీంతో జెమ్ గ్రానైట్స్‌పై న‌మోదు అయిన ఫిర్యాదుల సంఖ్య 15కు చేరింది. మైన‌ర్ అమ్మాయిల లైంగిక వేధింపుల కేసు ద‌ర్యాప్తును మ‌రింత విస్తృతం చేశారు. పోక్సో కేసులో వీర‌మ‌ణిని అరెస్టు చేసి ప్ర‌స్తుతం చెన్నైలోని పుజ‌ల్ జైలులో ఉంచిన విష‌యం తెలిసిందే. ఇదే కేసులో శాంతి, మ‌హేంద్ర సిమ్మ‌న్ అనే మ‌రో ఇద్ద‌ర్ని కూడా అరెస్టు చేశారు. ఈ ముగ్గురిపై ప్ర‌స్తుతం ఈ కేసులో విచార‌ణ కొన‌సాగుతోంది.

ఏసీపీ పీసీ థెన్‌మోజీ, జాయింట్ క‌మీష‌న‌ర్ దిషా మిట్ట‌ల్‌, ఎస్పీ ముత్త‌రాశీ, డిప్యూటీ క‌మీష‌న‌ర్ గీతాంజ‌లి సిట్‌లో స‌భ్యులిగా ఉన్నారు. మైన‌ర్ల‌తో వీర‌మ‌ణి ఉన్న వీడియోల‌ను రికార్డు చేసి, ఆ త‌ర్వాత కోట్లు వ‌సూల్ చేసిన కేసులోనూ విచార‌ణ చేప‌డుతున్నారు. ఈ కేసులో బాధితులుగా ఉన్న వారి నుంచి సాక్ష్యాధారాల‌ను, వాంగ్మూలాల‌ను సేక‌రిస్తున్నారు.

గ‌తంలో ఈ కేసును పోలీసులు మూసివేయాల‌నుకున్నారు. అయితే కేసును క్లోజ్ చేయాల‌న్న రిపోర్టును పోక్సో కోర్టు తిప్పికొట్టింది. ఓ వీడియోలో ఉన్న అమ్మాయి నుంచి జుడిషియ‌ల్ మెజిస్ట్రేట్ ముందు వాంగ్మూలం రికార్డు చేశారు.