భోపాల్ : రాష్ట్రపతి రాంనాథ్ కోవింద్ రెండు రోజుల పాటు మధ్యప్రదేశ్లో పర్యటించనున్నారు. ఈ సందర్భంగా పలు అభివృద్ధి పనులకు శంకుస్థాపన చేయడంతో పాటు సదస్సులో పాల్గొననున్నారు. ఈ మేరకు ఏర్పాట్లపై మధ్యప్రదేశ్ సీఎం ఏర్పాట్లపై ఆరా తీశారు. పర్యటనలో భాగంగా ఈ నెల 27న రాష్ట్రపతి భోపాల్ చేరుకుంటారు. 28న భోపాల్లో ఆరోగ్య సంస్థల నిర్మాణానికి భూమిపూజ చేస్తారు. 29న భోపాల్ నుంచి ఉజ్జయినికి వెళతారు. ఇక్కడ కాళిదాస్ అకాడమీలో అఖిల భారత ఆయుర్వేద సదస్సులో పాల్గొని, ప్రసంగిస్తారు. ఈ సందర్భంగా మహాకాల్ ఆలయంలో పూజలు చేయనున్నారు. అనంతరం ఇండోర్ మీదుగా ఢిల్లీకి బయలుదేరి వెళ్లనున్నారు.