17వ లోక్‌సభ రద్దు

ఎన్నికల ఫలితాలు వెలువడిన నేపథ్యంలో ప్రస్తుత లోక్‌సభ రద్దయ్యింది. బుధవారం ప్రధాని నరేంద్ర మోదీ నేతృత్వంలో కేంద్ర మంత్రివర్గం సమావేశమై.. జూన్‌ 16 వరకు గడువు ఉన్న ఈ లోక్‌సభను రద్దు చేస్తూ నిర్ణయం తీసుకొని రాష్ట్రపతికి సిఫార్సు చేసింది.

• కేబినెట్‌ సిఫార్సుకు రాష్ట్రపతి ఆమోదం
• ప్రధాని పదవికి మోదీ రాజీనామా
• ఆపద్ధర్మ ప్రధానిగా కొనసాగింపు

న్యూఢిల్లీ, జూన్‌ 5: ఎన్నికల ఫలితాలు వెలువడిన నేపథ్యంలో ప్రస్తుత లోక్‌సభ రద్దయ్యింది. బుధవారం ప్రధాని నరేంద్ర మోదీ నేతృత్వంలో కేంద్ర మంత్రివర్గం సమావేశమై.. జూన్‌ 16 వరకు గడువు ఉన్న ఈ లోక్‌సభను రద్దు చేస్తూ నిర్ణయం తీసుకొని రాష్ట్రపతికి సిఫార్సు చేసింది. ఈ సిఫార్సుకు రాష్ట్రపతి ఆమోదం తెలపడంతో 17వ లోక్‌సభ రద్దయ్యింది. ఈ మేరకు రాష్ట్రపతి కార్యాలయం ప్రకటన చేసింది. దీంతో కొత్త లోక్‌సభ కొలువుదీరడానికి ప్రక్రియ మొదలైంది.

ప్రధాని పదవికి మోదీ రాజీనామా

మరోవైపు ప్రధాని మోదీ సహా, కేంద్ర మంత్రివర్గ సభ్యులంతా బుధవారం తమ పదవులకు రాజీనామా చేశారు. అనంతరం రాష్ట్రపతి ద్రౌపది ముర్మును ప్రధాని మోదీ కలిసి రాజీనామా లేఖను అందజేయగా ఆమె వెంటనే ఆమోదం తెలిపారు. అయితే, కొత్త ప్రభుత్వం ఏర్పడే వరకు ఆపద్ధర్మ ప్రధానిగా కొనసాగాలని మోదీని రాష్ట్రపతి కోరినట్టు రాష్ట్రపతి కార్యాలయం తెలిపింది.