టీచరమ్మగా రాష్ట్రపతి

రాష్ట్రపతి ద్రౌపది ముర్ము గురువారం ఉపాధ్యాయురాలిగా మారారు. ఆమె రాష్ట్రపతిగా పదవీ బాధ్యతలు చేపట్టి రెండేళ్లు పూర్తయిన సందర్భంగా ప్రెసిడెంట్స్‌ ఎస్టేట్‌లోని డాక్టర్‌ రాజేంద్ర ప్రసాద్‌ కేంద్రీయ విద్యాలయాన్ని సందర్శించారు.

న్యూఢిల్లీ : రాష్ట్రపతి ద్రౌపది ముర్ము గురువారం ఉపాధ్యాయురాలిగా మారారు. ఆమె రాష్ట్రపతిగా పదవీ బాధ్యతలు చేపట్టి రెండేళ్లు పూర్తయిన సందర్భంగా ప్రెసిడెంట్స్‌ ఎస్టేట్‌లోని డాక్టర్‌ రాజేంద్ర ప్రసాద్‌ కేంద్రీయ విద్యాలయాన్ని సందర్శించారు. ప్రపంచ ఉష్ణోగ్రతల పెరుగుదల, ఆ సమస్యను నిరోధించేందుకు చేపట్టవలసిన చర్యల గురించి తొమ్మిదో తరగతి విద్యార్థులకు బోధించారు. నీటి పరిరక్షణ అవసరాన్ని వివరించారు. వాతావరణ మార్పుల ప్రభావం తగ్గాలంటే మరిన్ని చెట్లను నాటాలని తెలిపారు.