అహ్మదాబాద్ : డిజిటల్ మీడియా యుగంలో సోషల్ మీడియా ఇన్ఫ్లుయెన్సర్లు, కంటెంట్ క్రియేటర్లు జనం మధ్య విన్యాసాలు చేస్తూ ఫాలోయర్లకు వినూత్న కంటెంట్ (Viral Video) అందిస్తున్నారు. ఈ విన్యాసాలు ఒక్కోసారి ప్రజలకు అసౌకర్యం కలిగిస్తుంటాయి. ఇదే తరహాలో గుజరాత్లోని ఓ బిజీ రోడ్పై మహిళ యోగాసనాలు వేస్తుండగా పోలీసులు వీడియో తీశారు.
ఎరుపు రంగు దుస్తుల్లో దినా పర్మార్ అనే మహిళ నడిరోడ్డుపై యోగా చేస్తుండగా వాహనాల రాకపోకలకు అవాతంరం ఏర్పడింది. ఈ వీడియోను గుజరాత్ పోలీసులు ట్విట్టర్లో షేర్ చేయగా వైరల్గా మారింది. వర్షం కురుస్తుండగా మహిళ రోడ్డు మధ్యలో స్ప్లిట్ను పెర్ఫామ్ చేస్తుండటం ఈ క్లిప్లో కనిపించింది.
ఆమె చేష్టలతో పలు వాహనాలు పర్మార్ వెనుక ఆగిపోవాల్సి వచ్చింది. ఆపై తన నిర్లక్ష్యపూరిత ప్రవర్తనకు పర్మార్ క్షమాపణలు చెప్పడం చూడొచ్చు. జరిమానా చెల్లించిన తర్వాత పర్మార్ను అధికారులు విడుదల చేశారు. ప్రజలు ట్రాఫిక్ నిబంధనలను పాటించాలని, బహిరంగ ప్రదేశాలను దుర్వినియోగం చేయరాదని పోలీసులు విజ్ఞప్తి చేశారు.
Read More :
Israel-Hamas War | మా భూభాగంలో 1500 మంది హమాస్ మిలిటెంట్ల మృతదేహాలు.. ప్రకటించిన ఇజ్రాయెల్ సైన్యం