Subramanian Swamy: ప్ర‌ధాని మోదీకి వార్నింగ్ ఇచ్చిన బీజేపీ నేత సుబ్ర‌మ‌ణ్య స్వామి

Subramanian Swamy: ఆర్ఎస్ఎస్ సిద్ధాంతాల‌కు క‌ట్టుబ‌డి.. 75 ఏళ్లు నిండిన త‌ర్వాత ప్ర‌ధాని మోదీ త‌న ప‌ద‌వికి రాజీనామా చేయాల‌ని బీజేపీ సీనియ‌ర్ నేత సుబ్ర‌మ‌ణియ‌న్ స్వామి తెలిపారు. ఒక‌వేళ ఆయ‌న అలా చేయ‌కుంటే, అప్పుడు మోదీని త‌న కుర్చీ నుంచి త‌ప్పించేందుకు మ‌రోలా ప్ర‌య‌త్నాలు జ‌రుగుతాయ‌ని హెచ్చ‌రించారు.

న్యూఢిల్లీ: బీజేపీ సీనియ‌ర్ నేత సుబ్ర‌మ‌ణియ‌న్ స్వామి(Subramanian Swamy) మరోసారి ప్ర‌ధాని మోదీకి వార్నింగ్ ఇచ్చారు. సోష‌ల్ మీడియాలో ఆయ‌న ఇవాళ ఓ పోస్టు పెట్టారు. ఒక‌వేళ 75వ పుట్టిన రోజున ప్ర‌ధాని మోదీ త‌న రిటైర్మెంట్ ప్ర‌క‌టించ‌కుంటే, ఆయ‌న్ను త‌న పొజిష‌న్ నుంచి మ‌రో విధంగా త‌ప్పించే ప్ర‌య‌త్నాలు ఉంటాయ‌ని సుబ్ర‌మ‌ణ్య స్వామి తెలిపారు. సెప్టెంబ‌ర్ 17వ తేదీన మోదీ బ‌ర్త్‌డే ఉంద‌ని, అయితే ఆర్ఎస్ఎస్ విధానాల ప్ర‌కారం.. 75 ఏళ్లు నిండిన వ్య‌క్తి ప్ర‌ధాని ప‌ద‌వికి అన‌ర్హుడ‌ని, కాబ‌ట్టి పుట్టిన రోజున త‌న రిటైర్మెంట్ ప్ర‌క‌టించి మార్గ‌ద‌ర్శ‌నం కావాల‌ని బీజేపీ నేత సుబ్ర‌మ‌ణ్య‌స్వామి తెలిపారు. ఒక‌వేళ ప్ర‌ధాని మోదీ త‌న రిటైర్మెంట్‌ను ప్ర‌క‌టించ‌ని నేప‌థ్యంలో.. మ‌రో ప‌ద్ధ‌తిలో ప్ర‌ధాని త‌న స్థానాన్ని కోల్పోయే ప్ర‌మాదం ఉంటుంద‌ని ఆయ‌న త‌న సోష‌ల్ మీడియా అకౌంట్ ఎక్స్‌లో హెచ్చ‌రించారు.

If Modi does not, as committed to RSS Pracharak’s sanskaar, announce his retiring to Marg Darshan Mandal after his 75 th year birthday on Sept 17 th, then he will lose his PM chair by other methods.

— Subramanian Swamy (@Swamy39) August 21, 2024