Chidambaram | ఆర్ధిక వ్యవస్ధకు అతిపెద్ద సవాల్‌ నిరుద్యోగం : చిదంబరం
P Chidambaram : రాజ్యసభలో బుధవారం కేంద్ర బడ్జెట్‌ 2024-25పై చర్చ సందర్భంగా కేంద్ర ఆర్ధిక శాఖ మాజీ మంత్రి పీ చిదంబరం కీలక వ్యాఖ్యలు చేశారు.
Chidambaram : రాజ్యసభలో బుధవారం కేంద్ర బడ్జెట్‌ 2024-25పై చర్చ సందర్భంగా కేంద్ర ఆర్ధిక శాఖ మాజీ మంత్రి పీ చిదంబరం కీలక వ్యాఖ్యలు చేశారు. దేశ ఆర్ధిక వ్యవస్ధ ఎదుర్కొంటున్న నాలుగు ప్రధాన సవాళ్లను ఆయన ఈ సందర్భంగా ప్రస్తావించారు. నిరుద్యోగం దేశ ఆర్ధిక వ్యవస్ధకు పెను సవాల్‌ విసురుతున్నదని ఆందోళన వ్యక్తం చేశారు.
సీఎంఐఈ గణాంకాల ప్రకారం ఈ ఏడాది జూన్‌లో నిరుద్యోగిత రేటు 9.2 శాతంగా ఉందని అన్నారు. తగినంతగా ఉపాధి అవకాశాలను సృష్టించడం ఆర్ధిక వ్యవస్ధ ముందున్న సవాల్‌ అని చెప్పారు. ఉత్పత్తి ఆధారిత ప్రోత్సాహకాల పధకం (PLI) ఆశించిన మేర ఉద్యోగాలను కల్పించడం లేదని వెల్లడవుతోందని అన్నారు. ఉపాధి ఆధారిత ప్రోత్సహకాల (ELI) పధకం ప్రభావం చూపడం లేదని చెప్పారు.
ఇది మంచి ఆలోచనే అయినా ఈ పధకం కింద ఆశించినట్టు 2.9 లక్షల మందికి ఉద్యోగాలను అందుబాటులోకి తీసుకురాలేకపోయిందని పేర్కొన్నారు. 2024 ఆర్ధిక సంవత్సరంలో 4.67 కోట్ల ఉద్యోగాలు లభించాయన్న ఆర్‌బీఐ నివేదికపైనా చిదంబరం ప్రశ్నలు గుప్పించారు. యూపీలో 60000 పోలీస్‌ ఉద్యోగాలకు 50 లక్షలు పైగా దరఖాస్తులు వచ్చిన విషయాన్ని ప్రస్తావిస్తూ దేశంలో ఉపాధి సంక్షోభం లేదని ఆర్‌బీఐ ఏ ప్రాతిపదికన అంచనా వేసిందో చెప్పాలని ఆయన సవాల్‌ విసిరారు.
Read More :
Read Today's Latest National News in Telugu and Telugu News
- Follow Us :
-
