పేటీఎంలో మళ్లీ లేఆఫ్‌లు

పేటీఎం మాతృసంస్థ వన్‌ 97 కమ్యూనికేషన్స్‌ భారీ సంఖ్యలో ఉద్యోగులపై వేటు వేసింది. ఎంతమందిని తొలగించినది మాత్రం ఆ కంపెనీ వెల్లడించలేదు.

న్యూఢిల్లీ: పేటీఎం మాతృసంస్థ వన్‌ 97 కమ్యూనికేషన్స్‌ భారీ సంఖ్యలో ఉద్యోగులపై వేటు వేసింది. ఎంతమందిని తొలగించినది మాత్రం ఆ కంపెనీ వెల్లడించలేదు. ఉద్యోగాలు కోల్పోయిన వారు మరో ఉద్యోగం పొందడంలో తాము సాయం అందిస్తున్నట్టు కంపెనీ ఓ ప్రకటనలో తెలిపింది.

కంపెనీ పునర్వ్యవస్థీకరణ చర్యల్లో భాగంగా ఉద్యోగాలు తొలగించాల్సి వచ్చినట్టు పేర్కొన్నది. ఉద్వాసనకు గురైన వారు వేరే సంస్థల్లో ఉద్యోగాలు పొందడంలో సాయం అందిస్తున్నామని, తమ హెచ్‌ఆర్‌ టీమ్‌ 30 సంస్థలతో కలిసి పనిచేస్తున్నదని వివరించింది.