Narendra Singh Tomar | సాగు చ‌ట్టాల‌ను తిరిగి తీసుకొచ్చే ఉద్దేశం లేదు: తోమ‌ర్ యూట‌ర్న్

Narendra Singh Tomar | నూత‌న సాగు చ‌ట్టాల విష‌యంపై కేంద్ర వ్య‌వ‌సాయ మంత్రి న‌రేంద్ర సింగ్ తోమ‌ర్ యూట‌ర్న్ తీసుకున్నారు. సాగు చ‌ట్టాల‌ను మ‌ళ్లీ

Narendra Singh Tomar | నూత‌న సాగు చ‌ట్టాల విష‌యంపై కేంద్ర వ్య‌వ‌సాయ మంత్రి న‌రేంద్ర సింగ్ తోమ‌ర్ యూట‌ర్న్ తీసుకున్నారు. సాగు చ‌ట్టాల‌ను మ‌ళ్లీ తీసుకొస్తామ‌ని నిన్న‌నే ఢంకా బ‌జాయించి మ‌రీ ప్ర‌క‌టించారు. 24 గంట‌లైనా తిర‌గ‌క ముందే ఆదివారం మ‌ళ్లీ మాట మార్చేశారు. ర‌ద్దు చేసిన సాగు చ‌ట్టాలను తిరిగి తీసుకొచ్చే ఉద్దేశం త‌మ‌కు ఏమాత్రం లేద‌ని ప్ర‌క‌టించారు. ఈ విష‌యంలో కాంగ్రెస్ రైతుల‌ను గంద‌ర‌గోళంలోకి నెట్టేస్తోంద‌ని, ఈ గంద‌రగోళంలో రైతులు ఇరుక్కోవ‌ద్ద‌ని వ్యాఖ్యానించారు.’ర‌ద్దు చేసిన సాగు చ‌ట్టాల‌ను తిరిగి తీసుకొచ్చే ఉద్దేశం మాకు లేదు. త‌మ వైఫ‌ల్యాల‌ను క‌ప్పిపుచ్చుకోడానికి కాంగ్రెస్ ఈ విష‌యంలో రైతుల‌ను గంద‌ర‌గోళంలోకి నెట్టేస్తోంది. రైతులెవ్వ‌రూ ఈ గంద‌ర‌గోళంలో ఇరుక్కోవ‌ద్దు’ అని తోమ‌ర్ అన్నారు. రైతుల శ్రేయ‌స్సు దృష్ట్యానే ప్ర‌ధాని మోదీ సాగు చ‌ట్టాల‌ను ర‌ద్దు చేశార‌ని తోమ‌ర్ గుర్తు చేశారు.

సాగు చ‌ట్టాల‌ను మ‌ళ్లీ తీసుకొస్తాం… నాగ‌పూర్‌లో ప్ర‌క‌ట‌న‌

నాగ‌పూర్ వేదిక‌గా శ‌నివారం ఓ కార్య‌క్ర‌మం జ‌రిగింది. ఈ కార్య‌క్ర‌మంలో కేంద్ర వ్య‌వ‌సాయ మంత్రి న‌రేంద్ర సింగ్ తోమ‌ర్ పాల్గొన్నారు. ఈ సంద‌ర్భంగా ఆయ‌న మాట్లాడుతూ.. సాగు చ‌ట్టాల‌ను ర‌ద్దు చేయ‌డం అంటే ఒక్క అడుగు మాత్ర‌మే వెన‌క్కి వేసిన‌ట్ల‌ని, మ‌ళ్లీ వాటిని తీసుకొస్తామ‌ని తోమ‌ర్ న‌ర్మ‌గ‌ర్భంగా వ్యాఖ్యానించారు. వ్య‌వ‌సాయాన్ని గాడిలో పెట్ట‌డానికి తాము కొన్ని చ‌ట్టాల‌ను తెస్తే, అవి కొంద‌రికి రుచించ‌డం లేద‌ని మండిప‌డ్డారు. రైతులే ఈ దేశానికి వెన్నెముక అని, ఆ వెన్నెముక బ‌ల‌ప‌డితే దేశం దానంత‌ట‌దే ముందుకు సాగుతుంద‌ని తోమ‌ర్ వ్యాఖ్యానించారు.