న్యాయ పాఠంపై వివాదం.. ఎన్సీఈఆర్టీ క్షమాపణలు

పాఠ్యపుస్తకాల్లో న్యాయ వ్యవస్థపై వివాదాస్పద పాఠం వివాదం నేపథ్యంలో నేషనల్‌ కౌన్సిల్‌ ఆఫ్‌ ఎడ్యుకేషన్‌ రిసెర్చ్‌ అండ్‌ ట్రైనింగ్‌ (ఎన్సీఈఆర్టీ) వెనక్కి తగ్గింది. మంగళవారం బహిరంగ క్షమాణలు చెప్పింది.

హైదరాబాద్‌, మార్చి 10 (నమస్తే తెలంగాణ): పాఠ్యపుస్తకాల్లో న్యాయ వ్యవస్థపై వివాదాస్పద పాఠం వివాదం నేపథ్యంలో నేషనల్‌ కౌన్సిల్‌ ఆఫ్‌ ఎడ్యుకేషన్‌ రిసెర్చ్‌ అండ్‌ ట్రైనింగ్‌ (ఎన్సీఈఆర్టీ) వెనక్కి తగ్గింది. మంగళవారం బహిరంగ క్షమాణలు చెప్పింది. ఎన్సీఈఆర్టీ డైరెక్టర్‌, సభ్యులంతా బేషరతుగా క్షమాపణలు కోరారు.

అంతేకాకుండా వివాదాస్పద పాఠ్యపుస్తకాన్ని పూర్తిగా ఉపసంహరిస్తున్నట్లు ఎన్సీఈఆర్టీ వెల్లడించింది. ఎన్సీఈఆర్టీ ఇటీవల ఎక్స్‌ప్లోరింగ్‌ సొసైటీ ఇండియా అండ్‌ బియాండ్‌ పేరుతో 8వ తరగతి సాంఘిక శాస్త్రం పార్ట్‌ -2 పాఠ్యపుస్తకాన్ని ప్రచురించింది. దీంట్లో న్యాయ వ్యవస్థలో కొంత అవినీతి ఉందని, భారీ సంఖ్యలో కేసులు పెండింగ్‌లో ఉన్నాయని పేర్కొంది.