మందు మరిగిన మర్కటాలు

దుకాణం ఎప్పుడు తెరుస్తారా! అని ఎదురుచూడటం.. ఎవరైనా అందులోంచి సరుకు తీసుకొని బయటకు రాగానే మీద ఎగబడి తస్కరించటం.. చటుక్కున చెట్టో.. గోడనో ఎక్కి గటగటా తాగేయటం

• ఉత్తరప్రదేశ్‌లో బెంబేలెత్తుతున్న మందుబాబులు

రాయ్‌బరేలీ: దుకాణం ఎప్పుడు తెరుస్తారా! అని ఎదురుచూడటం.. ఎవరైనా అందులోంచి సరుకు తీసుకొని బయటకు రాగానే మీద ఎగబడి తస్కరించటం.. చటుక్కున చెట్టో.. గోడనో ఎక్కి గటగటా తాగేయటం.. ఏంది..? సరుకేమిటి? దుకాణం ఏమిటి? తాగేయటం ఏమిటి? అనుకొంటున్నారా? అక్కడికే వస్తున్నాం.. ఉత్తరప్రదేశ్‌లో మర్కటాలకు మంచినీళ్లు అస్సలు నచ్చటం లేదట.. అందుకే సీసాలకు సీసాలు బీర్లు లాగించేస్తున్నాయి. ఈ తాగుబోతు కోతుల దెబ్బకు రాయ్‌బరేలీ పట్టణంలో మందుబాబులు ఠారెత్తిపోతున్నారట. వైన్‌షాప్‌ నుంచి బీర్‌ కొనుక్కొని బయటకు రావటమే ఆలస్యం.. మీద కలబడి సీసాలు లాక్కొని పారిపోతున్నదట ఓ తాగుబోతు కోతి. మందుబాబులు ఎదిరిస్తే దాడి చేసి గాయపరుస్తున్నదట. కొన్నిసార్లు వైన్‌షాపులకు కూడా కన్నాలేసి మందు తస్కరిస్తున్నదట. ఓ తాగుబోతు మర్కటం బీర్‌బాటిల్‌ అమాంతం ఎత్తి గటగటా తాగేస్తున్న వీడియో వైరల్‌ అవుతున్నది. దానిని బంధించేందుకు అటవీశాఖ సహాయం తీసుకొంటున్నట్టు అధికారులు తెలిపారు.