QR Code | చేతిలో చిల్లిగవ్వ లేకపోయినా.. డెబిట్, క్రెడిట్ కార్డులు పర్సులో లేకున్నా సెల్ఫోన్తో చెల్లింపులు సులభతరంగా మారాయి. చిన్న కొట్టు నుంచి పెద్ద షాపింగ్ మాల్స్ వరకు ప్రస్తుతం ఆన్లైన్ డిజిటల్ చెల్లింపులు జరుగుతున్నాయి. కరోనా మహమ్మారి తర్వాత డిజిటల్ చెల్లింపు భారీగా పెరిగాయి. టీ కొట్టు నుంచి ఫైవ్స్టార్ హోటల్ వరకు.. కిరాణ దుకాణం నుంచి పెద్ద సూపర్ మార్కెట్ల వరకు క్యూఆర్ కోడ్ ద్వారా చెల్లింపులు సాగుతున్నాయి. ఈ తరహా ఆన్లైన్ చెల్లింపుల ద్వారా సమయం ఆదా అవుతుంది. అయితే, ఇదే సమయంలో మోసాల బారినపడే ప్రమాదం ఉన్నది.
క్యూఆర్ కోడ్ పేరిట సైబర్ మోసగాళ్లు బురిడీ కొట్టిస్తున్నారు. ఏమాత్రం అజాగ్రత్తగా ఉన్నా బ్యాంకు ఖాతాలు ఖాళీ అవడం ఖాయం. అందుకే క్యూఆర్ కోడ్ను స్కాన్ చేసే సమయంలో కొన్ని విషయాలను గుర్తుంచుకోవాలని నిపుణులు సూచించారు. తద్వారా సైబర్ మోసాల బారినపడకుండా కాపాడుకోవచ్చు. క్యూఆర్ కోడ్ను స్కాన్ చేస్తే కస్టమర్కు సంబంధించిన బ్యాంకు ఖాతా, వాలెట్ నుంచి డబ్బులు బెడిట్ అవుతాయి. ఎవరైనా క్యూఆర్ కోడ్ను స్కాన్ చేసిన తర్వాత డబ్బులు పంపిస్తామని చెబుతుంటే అది ఫ్రాడ్ అని గమనించి అప్రమత్తంగా ఉండాలి.
కోడ్ను స్కాన్ చేసిన సమయంలో యాప్ డౌన్లోడ్ అయ్యేందుకు లింక్ ఇస్తారు.. ఈ లింక్ను ఎట్టిపరిస్థితుల్లో ఓపెన్ చేయొద్దని, చేస్తే ఫోన్లో స్పైవేర్ డౌన్లోడ్ అయ్యే ప్రమాదం ఉంటుంది. స్పైవేర్ డౌన్లోడ్ అయితే ఫోన్లలో ఉన్న రహస్య సమాచారం మొత్తం సైబర్ నేరగాళ్లకు చిక్కుతుంది. క్యూఆర్ కోడ్ ద్వారా డబ్బులు పంపొచ్చని.. తీసుకోలేమని నిపుణులు స్పష్టం చేస్తున్నారు. ఎవరైనా క్యూఆర్ కోడ్ను స్కాన్ చేయండి.. డబ్బులు పంపిస్తామని చెబితే ఎట్టి పరిస్థితుల్లో నమ్మి మోసపోకుండా జాగ్రత్తగా ఉండాలని సైబర్ సూచిస్తున్నారు.