Watch: జేసీబీని డ్రైవ్‌ చేసిన బాలుడు.. తర్వాత ఏం జరిగిందంటే?

Minor Boy Drives JCB | తవ్వకాలు జరిపే జేసీబీని మైనర్‌ బాలుడు నడిపాడు. అదుపు కోల్పోవడంతో రోడ్డు పక్కగా పార్క్‌ చేసిన ఆటోలను ఢీకొట్టాడు. దీంతో పలు ఆటోలతో పాటు బైకులు, కారు ధ్వంసమయ్యాయి. ఇది చూసి స్థానికులు షాక్‌ అయ్యారు.

చెన్నై: తవ్వకాలు జరిపే జేసీబీని మైనర్‌ బాలుడు నడిపాడు. (Minor Boy Drives JCB) అదుపు కోల్పోవడంతో రోడ్డు పక్కగా పార్క్‌ చేసిన ఆటోలను ఢీకొట్టాడు. దీంతో పలు ఆటోలతో పాటు బైకులు, కారు ధ్వంసమయ్యాయి. ఇది చూసి స్థానికులు షాక్‌ అయ్యారు. ఆ యువకుడ్ని అదుపులోకి తీసుకున్నారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. తమిళనాడులోని మధురైలో ఈ సంఘటన జరిగింది. సోమవారం తెల్లవారుజామున 2.30 గంటల సమయంలో 17 ఏళ్ల యువకుడు జేసీబీని నడిపాడు. సెల్లూర్ ప్రాంతంలో సుమారు అర కిలోమీటరు దూరం వరకు దానిని డ్రైవ్‌ చేశాడు.

కాగా, భారీ వాహనమైన జేసీబీపై ఆ యువకుడు నియంత్రణ కోల్పోయాడు. దీంతో రోడ్డు పక్కన పార్క్‌ చేసిన ఆటోలపైకి అది వేగంగా దూసుకెళ్లింది. పలు ఆటోలతోపాటు బైకులు, కారు, అక్కడున్న స్థలం వద్ద ఏర్పాటు చేసిన ఐరన్‌ షీట్‌ ధ్వంసమయ్యాయి. సెక్యూరిటీ గార్డు కూడా గాయపడ్డాడు.

మరోవైపు పెద్ద శబ్దం విన్న స్థానికులు ఏం జరిగిందో తెలియక భయాందోళన చెందారు. జేసీబీ నడిపిన యువకుడ్ని చూసి అదుపులోకి తీసుకున్నారు. ఈ సంఘటనపై పోలీసులకు ఫిర్యాదు చేశారు. దీంతో వారు అక్కడకు చేరుకుని పరిశీలించారు. ఆ యువకుడు జేసీబీపై నియంత్రణ కోల్పోయాడా లేక ఉద్దేశపూర్వకంగా ఆటోలపైకి దూకించాడా అన్నది దర్యాప్తు చేస్తున్నారు. కాగా, ఆటోలపైకి జేసీబీ దూసుకెళ్లిన వీడియో క్లిప్‌ సోషల్‌ మీడియాలో వైరల్‌ అయ్యింది.

A 17-year-old boy operated a JCB excavator that was parked at Sellur in #Madurai and damaged several auto rickshaws and properties.

Know more🔗https://t.co/TWug9cLQmo pic.twitter.com/B5aPo0jwHm

— The Times Of India (@timesofindia) March 3, 2025