Himalaya M Shangpliang | మేఘాలయాలో బీజేపీకి షాక్‌.. పార్టీకి గుడ్‌ బై చెప్పిన మాజీ ఎమ్మెల్యే

Himalaya M Shangpliang | మేఘాలయాలో బీజేపీ (BJP) కి గట్టి షాక్‌ తగిలింది. ఆ పార్టీకి చెందిన మాజీ ఎమ్మెల్యే హిమాలయా ఎం షాంగ్లియాంగ్‌ బీజేపీకి రాజీనామా చేసి.. అధికార నేషనల్‌ పీపుల్స్‌ పార్టీ (NPP)లో చేరేందుకు సిద్ధమయ్యారు.

షిల్లాంగ్‌: మేఘాలయాలో బీజేపీ (BJP) కి గట్టి షాక్‌ తగిలింది. ఆ పార్టీకి చెందిన మాజీ ఎమ్మెల్యే హిమాలయా ఎం షాంగ్లియాంగ్‌ బీజేపీకి రాజీనామా చేసి.. అధికార నేషనల్‌ పీపుల్స్‌ పార్టీ (NPP)లో చేరేందుకు సిద్ధమయ్యారు. ఇప్పటికే బీజేపీ ప్రాథమిక సభ్యత్వానికి రాజీనామా చేసిన ఆయన.. సెప్టెంబర్‌ 13న NPPలో చేరనున్నట్లు ప్రకటించారు. సెప్టెంబర్‌ 13న NPP హెడ్‌క్వార్టర్స్‌లో ఆ పార్టీలో చేరనున్నట్లు షాంగ్లియాంగ్‌ తెలిపారు.

వచ్చే లోక్‌సభ ఎన్నికల్లో మీరు షిల్లాంగ్‌ లోక్‌సభ స్థానం నుంచి పోటీ చేస్తున్నారా..? అని మీడియా ప్రతినిధులు ప్రశ్నించగా.. తాను ఎలాంటి షరతులు విధించకుండా NPPలో చేరుతున్నానని చెప్పారు. పార్టీలో చేరిన తర్వాత ఆ పార్టీ సభ్యుడిగా అధిష్ఠానం ఏ బాధ్యతలు అప్పగిస్తే ఆ బాధ్యతలను నిర్వహిస్తానని తెలిపారు. రాష్ట్రంలో సీఎం కాన్రాడ్‌ సంగ్మా చేసిన అభివృద్ధి పనులను చూసే తాను NPPలో చేరాలని నిర్ణయించుకున్నానని ఆయన చెప్పారు.