నిద్రలేమితో స్వార్థం

సరైన నిద్ర ఉంటే శారీరకంగా, మానసికంగా ఆరోగ్యంగా ఉంటారు. నిద్రలేమితో చాలా సమస్యలు తలెత్తుతాయి.

న్యూఢిల్లీ, ఆగస్టు 30: సరైన నిద్ర ఉంటే శారీరకంగా, మానసికంగా ఆరోగ్యంగా ఉంటారు. నిద్రలేమితో చాలా సమస్యలు తలెత్తుతాయి. అయితే తాజా పరిశోధన ప్రకారం.. నిద్ర సరిగ్గా లేకపోతే వ్యక్తులు స్వార్థపరులుగా మారుతారని గుర్తించారు. పీఎల్‌వోఎస్‌ బయాలజీ అనే జర్నల్‌లో ఈ అధ్యయన వివరాలు ప్రచురితమయ్యాయ. సరైన నిద్రలేని వారు వేరే వ్యక్తులకు సాయం చేస్తారా లేదా అనే అంశంపై బెర్కెలీలోని యూనివర్సిటీ ఆఫ్‌ కాలిఫోర్నియా శాస్త్రవేత్తలు పరిశోధనలు జరిపారు. శరీరానికి అవసరమైన దానికన్నా గంట నిద్ర తగ్గినా కూడా వేరే వారికి సాయం చేసే విషయంలో వ్యక్తుల స్వభావం మారిపోతుందని సెంటర్‌ ఫర్‌ హ్యూమన్‌ స్లీప్‌ సైన్స్‌లో పనిచేసే బెన్‌ సైమన్‌ వివరించారు.