High Court | వేశ్యా గృహం నడపటానికి రక్షణ కల్పించండి.. హైకోర్టును కోరిన న్యాయవాది

వేశ్యా గృహాన్ని నడపటానికి రక్షణ కల్పించాలని ఓ న్యాయవాది కోరడంతో మద్రాస్‌ హైకోర్టు దిగ్భ్రాంతికి గురైంది.

• దిగ్భ్రాంతి వ్యక్తం చేసిన మద్రాస్‌ హైకోర్టు

High Court | చెన్నై: వేశ్యా గృహాన్ని నడపటానికి రక్షణ కల్పించాలని ఓ న్యాయవాది కోరడంతో మద్రాస్‌ హైకోర్టు దిగ్భ్రాంతికి గురైంది. అడ్వకేట్‌ రాజా మురుగన్‌ హైకోర్టులో రెండు పిటిషన్లను దాఖలు చేశారు. వేశ్యా గృహాన్ని నిర్వహిస్తున్నందుకు పోలీసులు ఆయనపై నమోదు చేసిన కేసును రద్దు చేయాలని, కోరారు.

విచారణకు చేపట్టిన జస్టిస్‌ పుగళేంది తీవ్ర దిగ్భ్రాంతికి గురయ్యారు. వయోజనులు ఇష్టపూర్వకంగా సెక్స్‌ చేసుకునే హక్కుల ఆధారంగా తన చర్యలను సమర్థించుకుంటున్న పిటిషనర్‌ పట్ల తీవ్ర అసహనం వ్యక్తం చేశారు. న్యాయ శాస్త్ర డిగ్రీ సర్టిఫికెట్‌, బార్‌ కౌన్సిల్‌లో ఎన్‌రోల్‌మెంట్‌ సర్టిఫికెట్‌లను సమర్పించాలని మురుగన్‌ను ఆదేశించింది.