Lalu Prasad Yadav: లాలూ ప్ర‌సాద్ యాద‌వ్‌ను ప్ర‌శ్నిస్తున్న సీబీఐ

Lalu Prasad Yadav: న్యూఢిల్లీ: ల్యాండ్ ఫ‌ర్ జాబ్స్ స్కామ్‌లో ఇవాళ లాలూను సీబీఐ విచారిస్తోంది. ఈ కేసులో నిన్న లాలూ భార్య ర‌బ్రీ దేవిని ప్ర‌శ్నించారు. ఈ కేసులో ఇప్ప‌టికే ప‌లువుర్ని అరెస్టు చేశారు.

పాట్నా: మాజీ రైల్వే శాఖ మంత్రి లాలూ ప్ర‌సాద్ యాద‌వ్‌(Lalu Prasad Yadav)ను ఇవాళ సీబీఐ విచారిస్తోంది. ల్యాండ్ ఫ‌ర్ జాబ్స్ స్కామ్‌(Land for jobs scam)లో భాగంగా ఈ విచార‌ణ కొన‌సాగుతోంది. పాట్నాలోని లాలూ కూతురు మీసా భార‌తి ఇంట్లో ఈ ద‌ర్యాప్తు జ‌రుగుతున్న‌ట్లు తెలుస్తోంది. ఈ కేసుతో లింకు ఉన్న లాలూ భార్య‌.. బీహార్ మాజీ సీఎం ర‌బ్రీదేవిని సోమ‌వారం సీబీఐ(CBI) ప్ర‌శ్నించిన విష‌యం తెలిసిందే.

లాలూ రైల్వే మంత్రి(Railway Minister)గా ఉన్న సమయంలో జరిగిన ఉద్యోగ నియామకాల్లో ఉద్యోగాలు ఇప్పిస్తామని చెప్పి ప్రతిగా వారి నుంచి లాలూ, ఆయన కుటుంబసభ్యులు భూమలు తీసుకున్న కేసు(లాండ్‌ ఫర్‌ జాబ్‌)లో సీబీఐ ఇదివరకే కేసు నమోదు చేసింది. ఈ కేసులో లాలూ కూతుళ్లు మీసా(Misa), హేమ‌(Hema)ల‌పై కూడా ఫిర్యాదులు ఉన్నాయి.

త‌న తండ్రిని వేధిస్తున్నార‌ని లాలూ కూతురు రోహిని ఆచార్య(Rohini Acharya) ఆరోపించారు. త‌న తండ్రికి ఏం జ‌రిగినా.. ఎట్టి ప‌రిస్థితుల్లో ఎవ‌ర్ని స‌హించేది లేద‌ని ఆమె వార్నింగ్ ఇచ్చారు. కాలం చాలా శ‌క్తివంత‌మైంద‌ని, ఇది గుర్తుపెట్టుకోవాల‌ని ఆమె ఓ ట్వీట్‌లో హెచ్చ‌రించారు.