Lalit Modi’s Birthday | ఖరీదైన క్లబ్‌లో లలిత్‌ మోదీ బర్త్‌డే పార్టీ.. ఎంజాయ్‌ చేసిన విజయ్‌ మాల్యా

Lalit Modi’s Birthday | ఇండియన్ ప్రీమియర్ లీగ్ (IPL) మాజీ ఛైర్మన్ (Ex Chairman) లలిత్ మోదీ (Lalit Modi) లండన్‌ (Landon) లో తన 63వ బర్త్‌డేను ఘనంగా జరుపుకున్నారు. గత వారాంతంలో జరిగిన ఈ పార్టీకి ఆయన సన్నిహితులతోపాటు, పరారీలో ఉన్న మరో భారత వ్యాపారవేత్త విజయ్ మాల్యా (Vijay Malya) కూడా హాజరయ్యారు.

Lalit Modi’s Birthday : ఇండియన్ ప్రీమియర్ లీగ్ (IPL) మాజీ ఛైర్మన్ (Ex Chairman) లలిత్ మోదీ (Lalit Modi) లండన్‌ (Landon) లో తన 63వ బర్త్‌డేను ఘనంగా జరుపుకున్నారు. గత వారాంతంలో జరిగిన ఈ పార్టీకి ఆయన సన్నిహితులతోపాటు, పరారీలో ఉన్న మరో భారత వ్యాపారవేత్త విజయ్ మాల్యా (Vijay Malya) కూడా హాజరయ్యారు. ఈ వేడుకకు సంబంధించిన వీడియోలను లలిత్ మోదీ తన ఇన్‌స్టాగ్రామ్‌లో పంచుకున్నారు.

లండన్‌లోని మేఫెయిర్‌లో ఉన్న ఖరీదైన మ్యాడాక్స్ క్లబ్‌లో పార్టీ జరిగింది. ఈ క్లబ్‌లో ఒక టేబుల్ కోసం కనీసం వెయ్యి పౌండ్లు (అంటే సుమారు రూ.1.18 లక్షలు) ఖర్చు చేయాల్సి ఉంటుందని సమాచారం. పార్టీలో స్నేహితుల మధ్య కేక్ కట్ చేయడం, డ్యాన్స్ చేయడం వంటి దృశ్యాలు వీడియోల్లో ఉన్నాయి. తన భాగస్వామి రీమా బౌరీకి ధన్యవాదాలు తెలుపుతూ.. ‘ఈ పుట్టినరోజు కుటుంబం, స్నేహితులతో ఎంతో అనందంగా గడిచింది. నా జీవిత భాగస్వామి రీమా.. నువ్వు అద్భుతమైన పార్టీ ఇచ్చావు’ అని లలిత్ మోదీ పోస్ట్ చేశారు.

భారత్‌లో తీవ్రమైన ఆర్థిక నేరారోపణలు ఎదుర్కొంటున్న లలిత్ మోదీ, విజయ్ మాల్యా పారిపోయి చాలాకాలంగా యూకేలోనే ఉంటున్నారు. గత జులైలో కూడా వీరిద్దరూ లండన్‌లో జరిగిన ఓ ప్రైవేట్ పార్టీలో కలిసి పాటలు పాడుతూ కనిపించారు. మనీ లాండరింగ్, ఫెమా ఉల్లంఘనల కేసుల్లో ఆరోపణలు ఎదుర్కొంటున్న లలిత్ మోదీ 2010లో భారత్ విడిచి వెళ్లారు. కింగ్‌ఫిషర్ ఎయిర్‌లైన్స్ రుణాల ఎగవేత కేసులో విజయ్ మాల్యాను భారత్ ఆర్థిక నేరగాడిగా ప్రకటించింది.